Өмнөх оноос 2.7 хувиар бага үр тариа хураажээ

Үндэсний статистикийн хорооноос ургац хураалтын явцын мэдээллийг  танилцууллаа. Улсын хэмжээнд 2024 оны 10 дугаар сарын байдлаар,

• 431.3 мянган тонн үр тариа,
• 244.5 мянган тонн төмс,
• 229.5 мянган тонн хүнсний ногоо,
• 243.3 мянган тонн таримал тэжээл,
• 55.1 мянган тонн техникийн ургамал хурааж,
• 1039.0 мянган тонн хадлан,
• 25.1 мянган тонн гар тэжээл бэлтгэсэн байна.

Харин өмнөх оны мөн үеэс,

• Хураасан төмс 68.6 (39.0%) мянган тонноор,
• хүнсний ногоо 52.7 (29.8%) мянган тонноор,
• техникийн ургамал 7.2 (15.0%) мянган тонноор,
• таримал тэжээл 2.4 (1.0%) мянган тонноор тус тус өссөн аж.

Харин бэлтгэсэн хадлан 64.7 (5.9%) мянган тонноор, гар тэжээл 5.8 (18.9%) мянган тонноор, хураасан үр тариа 12.1(2.7%) мянган тонноор буурсан үзүүлэлттэй байгаа гэлээ.