Нүүрсний экспортын гүйцэтгэл 84.4 хувьтай байна

Оны эхний 10 сард нийт экспорт 13.2 тэрбум ам.доллар хүрснээс 55.3 хувийг чулуун нүүрсний экспорт эзэлж байна. Энэ нь 7.3 тэрбум ам.доллартой тэнцэж байгаа аж. Экспорт өмнөх оны мөн үеэс 25.3 хувиар өссөнийг Гаалийн ерөнхий газар мэдээллээ.

2025 онд нүүрсний үнэ буурах хүлээлттэй байгаа ч БНХАУ-ын шинэ эдийн засгийн загварын нөлөөгөөр гангийн эрэлт тогтвортой байж, Монгол Улсын нүүрсний экспортын биет хэмжээ өснө гэсэн хүлээлттэй байгаа юм.

Экспортын орлогын дийлэнхийг бүрдүүлдэг эрдэс бүтээгдэхүүнүүдээс чулуун нүүрс, зэсийн хүдэр, баяжмал, төмрийн хүдэр, баяжмалын экспорт өмнөх оны мөн үеэс бага зэргийн өсөлттэй байна. Харин боловсруулаагүй нефтийн эксспорт 2023 оны эхний 10 сараас 14.2 хувиар буурсан үзүүлэлттэй байгаа юм.

Монгол Улс 2024 оны төсвийн төсөлд нүүрсний экспортыг 78 сая тонн хүргэхээр төлөвлөснөөс гүйцэтгэл аравдугаар сарын эцсийн байдлаар 84.4 хувьтай байна. Ирэх онд 83.3 сая тонн хүргэхээр тооцоолоод байгаа юм. Харин зэсийн баяжмалын экспортыг 1.87 сая тонн хүргэхээр төлөвлөөд байгаа юм.