​ Б.Анхтуяа: Монгол Улс шинэ технологи нэвтрүүлэхгүйгээр хүнсээ дотооддоо үйлдвэрлэвэл хүлэмжийн хийг бууруулах зорилтдоо хүрэхгүй

“Хот суурин газрын өөрчлөлт 2024” сэдэвт эрдэм шинжилгээний бага хурал Испани улсын Барселоны Ситжис боомт хотод 2024 оны 11-р сарын 05-аас 07-ны хооронд зохион байгууллаа.  

 Хотын хүнс, эрчим хүч, усны аюулгүй байдал, хангамж хүрэлцээ, чанарын асуудал дээр бие даасан шийдэлтэй байхыг хотууд илүүд үзэж байна гэсэн судалгааг дэлхийн 200 орчим хотуудын дунд хийсэн судалгаагаар гаргажээ.

Өөрөөр хэлбэл байгалийн гамшигт үзэгдэл, дайн, эсвэл халдварт өвчин гэх мэт давагдашгүй нөхцөл байдал тулгарахад хотууд ямар нэгэн улсаас эсвэл өөр хотуудаас хамааралгүйгээр хүнс, эрчим хүч, усаа бүрэн хангаж чаддаг байх цогц системийг бий болгохоор илүү зорьж байгаа талаар яригджээ.

Энэхүү хуралд  Монгол Улсаа төлөөлж Улаанбаатар хотын орлогч Т.Даваадалайн эхнэр Б.Анхтуяа оролцсон байна.

Түүний судалгааны бүтээл нь шинжлэх ухаанд үнэтэй хувь нэмэр оруулахуйц бүтээлд тооцогдож, бага хуралд судалгааны үр дүнгээ танилцуулжээ. Сэдэв нь “Монгол Улс хүлэмжийн хийн ялгарлыг бууруулах зорилтоо биелүүлэнгээ дотоодын хүнсний бүтээгдэхүүнээр нийт хүн амаа тэжээж чадах уу?” гэсэн сэдэвтэй өөрийн судалгааны бүтээлээ танилцуулсан юм.  Түүний тухайд  ШУТИС-ийг Усан Хангамжийн Инженерийн Бакалавр, Австралийн Шинэ Өмнөд Вэйлсийн Их Сургуулийг Инженерийн Төслийн Удирдлагын Магистр зэргээр тус тус төгссөн. Яг одоогоор БНХАУ-ын ШУА-ийн Хотын Хүрээлэн Буй Орчны Судалгааны Хүрээлэнд ХОТЫН МЕТАБОЛИЗМ сэдвээр докторын судалгаагаа хийж байна.