Ч.Өнөрбаяр: Төрийн бүх байгууллагад реформ хийнэ

Засгийн газрын Хяналт хэрэгжүүлэх газрын даргын албан үүргийг түр орлон гүйцэтгэгчээр өнгөрсөн долоо хоногт томилогдоод буй Ч.Өнөрбаяр мэдээлэл хийлээ.  "ЗГ-ын Хяналт хэрэгжүүлэх газар 2022 онд ЗГ-ын хяналтын тухай хууль гэж батлагдаад байгуулагдсан.  Ерөнхийдөө бол хуучин мэргэжлийн хяналт шиг гэж ойлгож болно. Миний хувьд өмнө нь хийж байсан сайн зүйлүүдийг үргэлжлүүлээд, хийж хэрэгжүүлж чадаагүй зүйлүүдийг хийе гэж бодож байна. 

Иргэд нь гомдол гаргасны дагуу яам, агентлаг, аймаг, НЗД төрийн болон улсын өмчит үйлдвэрийн газруудын албан тушаалтнуудын үйл ажиллагааг хянаж, шалгадаг. 2022 онд иргэдээс төрийн байгууллагын албан тушаалтанд хамаарах 520 өргөдөл, гомдол гаргасан байгаа юм. Нийт өргөдөл, гомдлын арилгах биелэлт 98 хувийн гүйцэтгэлтэй гэсэн байна.  Гомдол шийдвэрлэлт нь ийм сайн байгаа бол иргэдийн төрд итгэх төдий хэмжээнд байх ёстой.Гэтэл эсрэгээрээ, төрийн байгууллагуудад үйлчилгээ муу байна, хүнд сурталтай байна, авлигал байсаар байна.