Ө.Отгонбаатар: Сэтгүүлч Н.Өнөрцэцэгийн шүүх хурлыг нээлттэй явуулна гэдэгт итгэлтэй байна

Монголын сэтгүүлчдийн нэгдсэн эвлэл /МСНЭ/ болон Глоб интернэшнл төв, Хэвлэлийн хүрээлэн, Хэвлэл мэдээллийн зөвлөл, Монголын сайтын холбоо, Монголын телевизүүдийн холбоо зэрэг салбарын холбоодууд нэгдэн сэтгүүлч Н.Өнөрцэцэгийн шүүх хурлыг олон нийтэд, нээлттэй явуулж өгөх хүсэлт өнөөдөр /2024.11.04/ гаргалаа.

МСНЭ-ийн Ерөнхийлөгч Ө.Отгонбаатар: Эрүүгийн хэргийн давж заалдах шүүхийн шүүгч Б.Зоригийн туслах н.Мөнхзулд сэтгүүлч Н.Өнөрцэцэгийн шүүх хурлыг олон нийтэд нээлттэй явуулж өгөх хүсэлтээ гаруулж өгөөд гарч ирлээ. Сэтгүүлч Н.Өнөрцэцэгийн давж заалдах шатны шүүх хуралд энэ сарын 7-ны өдөр болох тов гарсан. Энэ шүүх хурлыг манай салбарынхан төдийгүй Монголын ард түмэн хүлээж байна.

Сэтгүүлч Н.Өнөрцэцэгийн тухайд шүүх хурлыг нээлттэй явуулах зайлшгүй шаардлага байна гэж өлсгөлөн зарлаж буйгаа мэдэгдээд байна.  Мэргэжлийн бүх холбоодын зүгээс шүүх хурлыг хэсэгчлэн нээлттэй явуулж өгөхийг хүсэж байна. 

Нээлттэй шүүх хурлыг орон даяар шууд дамжуулах боломжоор хангахыг хүсэж байна. Бидний хүсэлт талаар болсон тохиолдолд дараагийн шатанд хэрхэх талаар салбараараа зөвлөлдөнө" гэлээ.