УИХ-ын гишүүн С.Замира: М.Нарантуяа-Нара гишүүний нөлөөгөөр бид УИХ-д орж ирсэн

УИХ-ын гишүүн С.Замирагаас ИЗНН-ын дэд даргын албан тушаалаас М.Нарантуяаг татан буулгасан асуудлаар тодруулга авлаа.

Танай намын хоёр даргын хооронд үүссэн асуудалд та ямар байр суурьтай байна вэ?
Миний хувьд ИЗНН-ын удирдах зөвлөлийн хуралд оролцоогүй учраас мэдээлэлгүй байна. Манай намын тухайд УИХ-д дөрвөн суудалтай нам. Хүн л юм болохоор таарч тохирохгүй зүйл гардаг шүү дээ. Аяндаа болчих байхаа хүний харилцаа юм чинь. М.Нарантуяа гишүүний хувьд бол би муу хүн гэж бодохгүй байна. Нийгэмд өөрийн гэсэн байр суурьтай, үзэл бодлоо ил хэлж чаддаг. Ард түмний төлөөлөл болж чаддаг гишүүн гэж боддог. Нам дотоод асуудлаар дотроо шийдэж баймаар байна.