А.Ганхуяг нарын 24 хүнийг шүүх хурал ирэх сарын зургааны өдрийг хүртэл хойшиллоо

Ногоон автобусны гэх тодотголтой А.Ганхуяг нарын 24 хүнд холбогдох хэргийн шүүх хурал өнөөдөр /2024.10.21/ 10.00 цагт эхлэх байсан ч хойшилжээ. Учир нь Шүүгдэгч нарын өмгөөлөгч хүсэлт гаргасны дагуу шүүх хурлыг 2024 оны арваннэгдүгээр сарын 6-ныг хүртэл хойшлуулах шийдвэрийг шүүх гаргажээ.

  Яллагдагч А.Ганхуягийн өмгөөлөгч нарын хүсэлтийн дагуу түүнд авсан цагдан хорих таслан сэргийлэх арга хэмжээг 2024 оны долдугаар сарын 5-ны өдрөөс эхлэн өөрчилж, Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээ авч шийдвэрлэсэн байдаг. Ингэснээр цагдан хоригдож байсан А.Ганхуяг нар гэртээ гарч гадуур байцаагдах болсон юм