Малын үндэсний бүртгэл мэдээллийн нэгдсэн сан бүрдүүлэх сургалт боллоо

Хүнс, хөдөө аж ахуй, хөнгөн үйлдвэрийн яам Глобал сивик шэйринг төлөөлөгчийн газартай хамтран 2024 оны 10 дугаар сарын 15-18-ны өдрийн хооронд “Малыг ялган тэмдэглэх, малын үндэсний бүртгэл мэдээллийн нэгдсэн сан бүрдүүлэх” сэдэвт сургалтыг зохион байгуулаад байна. 

Сургалтад орон нутгийн Хөдөө аж ахуйн тасгийн малын бүртгэл мэдээллийн нэгдсэн сан хариуцсан мэргэжилтнүүдийг хамруулан Глобал сивик шэйринг төлөөлөгчийн газрын сургалтын байранд вакум хэлбэрээр зохион байгуулаад байна. Тус яам нь малыг ялган тэмдэглэж, улсын нэгдсэн бүртгэлд хамруулан, мөрдөн мөшгих тогтолцоог бүрэн цахимжуулахын зэрэгцээ хүнсний аюулгүй байдлыг хангах боломжийг бүрдүүлээд байна. Мөн Малын генетик нөөцийн тухай хуулийн 5 дугаар зүйлийн 5.3-д “Мал бүртгэхдээ мал үржүүлэгч этгээдийн нэр, хаяг, улсын бүртгэлийн дугаар, малын байршил, төрөл, удам гарваль, нас, хүйс, үүлдэрлэг байдал, өсөлт, хөгжилт, сүргийн нөхөн үйлдвэрлэл, ашиг шимийн гарц, чанар, эрүүл мэндийн үзүүлэлт, маллагааны арга хэлбэр, шилжилт хөдөлгөөн, шаардлагатай бусад мэдээллийг хамааруулна” гэж заасны дагуу тус мэдээллийн нэгдсэн санг сүүлийн 2 жилийн хугацаанд эрчимтэйгээр хөгжүүлэн мал аж ахуйн салбарын суурь мэдээллийг бүрдүүлээд байна.