Б.Ариунзаяа:Өөрийгөө гээсэн эмэгтэй бусдад гээгдэг гэдэг нь үнэн

Б.Ариунзаяа: Би гурван хүүхэдтэй. Сүүлийн хоёр төрөлтийн дараа бикини модель ангилалд тайзан дээр зогсох мөрөөдөл минь сэтгэлийн гүнд байсан. Тийм болохоор 2024 оны нэг сард дагагч нартаа энэхүү мөрөөдлөө биелүүлнэ гэж амласан. Би медаль авах гэж оролцоогүй, өөрийгөө ялах гэж оролцсон, зорилгоо биелүүлсэндээ баяртай байгаа.

Би анхны хүүгээ төрүүлээд маш их хямарсан. Тэр үед юугаа ч мэдэхгүй эмэгтэй хүн төрөөд л таргалдаг юм байна гэж бодсон. Өмнө яаж ч идсэн таргалдаггүй байсан, гэтэл төрсний дараа шалтгаангүй аймар таргалсан. Тэр үед өөртөө итгэлгүй болоод маш их гундаж байсан учраас өөрийгөө олж авахын тулд иогтой анх учирсан. Сүүлд хоёр бага хүүгээ төрүүлээд бас маш их таргалсан, гэхдээ тарган байгаагаа хүмүүсээс нуухыг хүсээгүй. Харин ч тарган байгаагаа хүмүүст харуулж, өөртэйгөө адилхан ээжүүдтэй зовлонгоороо хань болж өөрчлөгдье гэж контент хийж эхэлсэн.

"Өөрийгөө алдаа гаргахыг, төгс биш байхыг хүлээн зөвшөөрөх хэрэгтэй. Миний бодлоор эмэгтэй хүн төрсний дараа жаахан мах шөлтэй байхдаа хамгийн хөөрхөн. Эмэгтэй хүнийг мах шөл чимдэг. Турмаар байвал булчинд шуна" хэмээн ярилаа.

Дэлгэрэнгүйг бичлэгээс үзээрэй