Д.Отгонжаргал: Өнөөдрөөс хувь хүн такси үйлчилгээ эрхлэх боломжгүй

Өнөөдрөөс зөвшөөрөлгүй таксинд явсан иргэнийг 5 сая төгрөгөөр торгоно. Бид энэ асуудлаар  Нийслэлийн нийтийн тээврийн газрын дарга Д. Отгонжаргалаас тодрууллаа. 

Д.Отгонжаргал: Өнгөрсөн оны 12-р сарын 07-ны өдөр хуулинд орсон нэмэлт өөрчлөлт, өнөөдрөөс хэрэгжиж эхэлсэн. Өнөөдрийн хүчин төгөлдөр мөрдөгдөж буй хуулиар хувь хүн такси үйлчилгээ эрхлэх боломжгүй. Тусгай зөвшөөрөлгүйгээр такси үйлчилгээ эрхэлсэн тохиолдолд иргэнийг 5,000,000 төгрөг, ААН-ийг 50,000,000 төгрөгөөр торгох хуулийн зохицуулалт үйлчилнэ. Хэрэгжүүлэгч субъект нь цагдаагийн байгууллагын эрх бүхий албан тушаалтан, мөн авто тээврийн улсын байцаагч нар хяналт тавина.

Нийслэл Улаанбаатар хотын замын хөдлөгөөний түгжрэлийг бууруулах, гэр хорооллыг орон сууцжуулах тухай хуулиар такси үйлчилгээ эрхлэгчдэд дараах шаардлагыг тавина. 

Үүнд, 6.1.Зөвшөөрлийн тухай хуулийн[8] 8.1 дүгээр зүйлийн 5.12-т заасны дагуу хуулийн этгээд такси үйлчилгээ эрхэлж болно. 6.2.Такси үйлчилгээ эрхлэхэд Автотээврийн тухай хуулийн 15.9, 15.10-т заасан нөхцөл, шаардлагыг хангасан байна. 6.3.Такси үйлчилгээг зорчигч тээвэрлэх дүрэм болон холбогдох стандарт, аюулгүй байдлын шаардлагыг хангасан тээвэрлэгчээр гүйцэтгүүлнэ. 6.4. Нийслэлийн тээврийн асуудал хариуцсан байгууллага такси үйлчилгээнд хяналт тавина зэргийг тусгажээ.