Х.Тэмүүжин: ШЕЗ жирийн иргэн, сэтгүүлчтэй хэрэлддэг газар биш шүү

Өнөөдөр УИХ-ын дарга Д.Амарбаясгалан болон Хууль зүй байнгын хорооны бүрэлдэхүүн Шүүхийн ерөнхий зөвлөлд ажиллалаа. Шүүхийн байгууллагад тулгамдаж буй асуудал мөн шүүгчийн ур чадвар, ёс зүйн асуудлыг хэлэлцэж байгаа юм.

Энэ үеэр УИХ-ын гишүүн Х.Тэмүүжин ийнхүү ярилаа.
"ШЕЗ шүүхийн хараат бус байдлыг баталгаажуулж хамгаалахын тулд жирийн иргэдтэй хэрэлдэх бус эрх мэдэлтэй, нөлөө бүхий төрийн байгууллагын өөдөөс тулж зогсох зориг, хүч нөөцтэй байгаа эсэх талаараа ярилцаж мэдэх нь зүйтэй. Одоо бол наад үзүүр чинь жирийн иргэн, сэтгүүлч рүү яваад байна. Яг бодит байдал дээр манайх хуулиа боловсронгуй болгох хэрэгтэй. Шүүхийн гадна уриа лоозон бариад үзэл бодлоо илэрхийлэх нь шүүхэд нөлөөлөхгүй. Тэнд бодит заналхийлэл байгаа бол тусдаа ойлголт. Мөн шүүхэд нөлөөлж болохуйц албан тушаалтан өөрийн албан тушаалаас мэдэгдэл гаргавал түүнийг шүүхэд нөлөөлж байна гэж үзнэ"