“Скай ресорт”-ооc Их тэнгэр хүртэлх замыг хааж засварлана

Нийслэлийн хэмжээнд энэ онд зам засварын ажлыг эрчимтэй хийгдэж байгаа.  Өнгөрсөн долдугаар сараас эхэлсэн зам засварын ажил дуусах шатандаа орж байна. Одоогийн байдлаар нийслэлийн 50 байршилд 75.5 км авто замыг шинэчилжээ. Өнөөдөр өглөө зургаан байршилд зам засварын ажил хийж дууссан байна. Зам засварын ажлын хүрээнд авто замыг асфальт бетоноор хучиж, инженерийн шугам сүлжээний худгийн тагийг асфальт бетон хучилтын түвшинд тааруулах, шинээр ус зайлуулах шугам сүлжээ суурилуулах, тэмдэг тэмдэглэгээ хийх зэрэг ажил гүйцэтгэжээ. 

Одоо Тахилтын уулзвараас “Найрамдал” зуслан чиглэлийн авто замыг шинэчлэх ажил үргэлжилж байгаа бол өнөөдрөөс “Скай ресорт”-ооc Их тэнгэр хүртэлх замыг найм хоногийн хугацаанд хааж, засварлах ажил эхэлсэн байна.