УИХ ирэх долоо хоногт юу хэлэлцэх вэ?

УИХ ирэх долоо хоногт дараах асуудлуудыг хэлэлцэхээр төлөвлөжээ. Тухайлбал, УИХ-ын дэд хороодын дарга нарыг сонгох юм байна. Ямар асуудлыг хэлэлцэхийг нь дараах жагсаалтаас харна уу.

Аравдугаар сарын 14, даваа гариг

10.00 цагаас УИХ дахь намын бүлгүүд хуралдана

15.00 цагаас Эдийн засгийн байнгын хороо

1. Байнгын хорооны тогтоолын төсөл (Монгол Улсын хөгжлийн 2025 оны төлөвлөгөө батлах тухай УИХ-ын тогтоолын төслийг хэлэлцүүлэгт бэлтгэх үүрэг бүхий ажлын хэсэг байгуулах тухай)

Аравдугаар сарын 15, мягмар гариг

10.00 цагаас Боловсрол, соёл, шинжлэх ухаан, спортын байнгын хороо

1. Байнгын хорооны тогтоолын төсөл (Төрийн өмчийн ерөнхий боловсролын сургууль, цэцэрлэг, дотуур байрны нүхэн жорлонг орчин үеийн стандарт, шаардлагад нийцсэн ариун цэврийн байгууламжаар солих ажлын явцад дэмжлэг үзүүлэх үүрэг бүхий ажлын хэсэг байгуулах тухай)
2. Байнгын хорооны тогтоолын төсөл (Боловсролын зээлийн сангийн журмын хэрэгжилтэд хяналт шалгалт хийх, санал, дүгнэлт гаргах үүрэг бүхий ажлын хэсэг байгуулах тухай)
3. УИХ-ын гишүүн Ц.Мөнхтуяагаас Боловсролын сайдад хандаж тавьсан асуултын хариуг хэлэлцэх
4. Байнгын хорооны тогтоолын төсөл (Цаглавар батлах тухай)

13.00 цагаас Төрийн байгуулалтын байнгын хороо

1. УИХ-ын хяналтын сонсголыг зохион байгуулах нарийвчилсан журам батлах тухай УИХ-ын тогтоолын төсөл
2. УИХ-ын 2024 оны намрын ээлжит чуулганы төлөвлөгөөт хяналт шалгалтын цаглавар батлах тухай УИХ-ын тогтоолын төсөл
3. Байнгын хорооны тогтоолын төсөл (УИХ-ын гишүүний халдашгүй байдлын дэд хорооны даргыг сонгох тухай)
4. Байнгын хорооны тогтоолын төсөл (Цаглавар батлах тухай)

14.00 цагаас Хууль зүйн байнгын хороо

1.  Байнгын хорооны тогтоолын төсөл (Хүний эрхийн дэд хорооны даргыг сонгох тухай)

15.00 цагаас Ёс зүй, дэгийн байнгын хороо

1. Байнгын хорооны тогтоолын төсөл (Ажлын хэсэг байгуулах тухай)
2. Байнгын хорооны тогтоолын төсөл (Цаглавар батлах тухай)

Аравдугаар сарын 16, лхагва гариг

12.00 цагаас Аюулгүй байдал, гадаад бодлогын байнгын хороо

1. Монгол Улсын Засгийн газар, Бүгд найрамдах Казахстан улсын Засгийн газар хоорондын Тэтгэврийн асуудлаар хамтран ажиллах тухай хэлэлцээрийн төсөл (Засгийн газар 2024.08.15-нд ирүүлсэн, зөвшилцөх)
2. Дэд хорооны бүрэлдэхүүний тухай ИХ-ын тогтоолын төсөл

13.00 цагаас Эдийн засгийн байнгын хороо

1. Байнгын хорооны тогтоолын төсөл (Цаглавар батлах тухай)
2. Төрөөс мөнгөний бодлогын талаар 2025 онд баримтлах үндсэн чиглэл батлах тухай УИХ-ын тогтоолын төсөл (Монголбанк 2024.09.27-нд ирүүлсэн)
3. Монгол Улсын хөгжлийн 2025 оны төлөвлөгөө батлах тухай УИХ-ын тогтоолын төсөл (Засгийн газар 2024.09.27-нд өргөн мэдүүлсэн, хоёр дахь хэлэлцүүлэг)

15.00 цагаас Инновац, цахим бодлогын байнгын хороо

1. Үндэсний хиймэл дагуулын төслийн талаарх Монгол Улсын сайд, ЗГХЭГ-ын даргын мэдээлэл сонсох
2. Бусад (хаалттай)

Аравдугаар сарын 17, 18, пүрэв, баасан гариг

УИХ-ын чуулганы нэгдсэн хуралдаан

1. УИХ-ын хяналтын сонсголыг зохион байгуулах нарийвчилсан журам батлах тухай УИХ-ын тогтоолын төсөл
2. УИХ-ын 2024 оны намрын ээлжит чуулганы төлөвлөгөөт хяналт шалгалтын цаглавар батлах тухай УИХ-ын тогтоолын төсөл
3. Дэд хорооны бүрэлдэхүүний тухай УИХ-ын тогтоолын төсөл
4. Төрөөс мөнгөний бодлогын талаар 2025 онд баримтлах үндсэн чиглэл батлах тухай УИХ-ын тогтоолын төсөл (Монголбанк 2024.09.27-нд ирүүлсэн)
5. Монгол Улсын хөгжлийн 2025 оны төлөвлөгөө батлах тухай УИХ-ын тогтоолын төсөл (Засгийн газар 2024.09.27-нд өргөн мэдүүлсэн, хоёр дахь хэлэлцүүлэг)
6. Монгол Улсын 2025 оны төсвийн тухай, Үндэсний баялгийн сангийн 2025 оны төсвийн тухай, Нийгмийн даатгалын сангийн 2025 оны төсвийн тухай, Эрүүл мэндийн даатгалын сангийн 2025 оны төсвийн тухай хуулийн төслүүд (Засгийн газар 2024.08.30-нд өргөн мэдүүлсэн, нэг дэх хэлэлцүүлэг, үргэлжилнэ)