Ирэх 10 хоногт цаг агаар ямар байх вэ?

Агаарын температурын арав хоногийн дундаж Алтай, Хангай, Хэнтэй, Хөвсгөлийн уулархаг нутаг, Хан Хөхий, Хантайшир, Тарвагатай, Булнай, Бүрэн, Бүтээл, Эрээний нуруу, Хархираа, Түргэний уулс, Дарьгангын тэгш өндөрлөг, Тамсагийн хоолой болон томоохон голуудын хөндийгөөр 0.7-5.0 градус, Номин, Шарга, Алтайн Өвөр, Заг Сүүж, Борзон, Өөшийн говь, Ингэн хөөвөр, Лигийн хоолойгоор 10.1-13.4 градус, бусад нутагт 5.1-10.0 градус дулаан (1 дүгээр зураг) буюу олон жилийн дундажтай харьцуулбал ихэнх нутагт дунджийн орчим ба түүнээс 1.1-3.1 градусаар дулаан, говийн нутгийн зарим хэсгээр дунджаас 1.1-1.8 градусаар сэрүүн байлаа.

           Агаарын температур өдөртөө ихэнх нутагт 16-20 градус, Алтай, Хангай, Хөвсгөлийн уулархаг нутгаар 11-15 градус, говийн нутгийн зарим хэсгээр 21-24 градус дулаан, шөнөдөө уулархаг нутгаар 11-15 градус хүйтэн, говийн нутгийн өмнөд хэсгээр 0-4 градус дулаан, бусад нутагт 1-10 градус хүйтэн байв.

                       Хур тунадас нийт нутгийн 60 орчим хувьд 0.0-20.0 мм, Баянхонгорын Шинэжинст, Дундговийн Луус, Баянжаргалан, Өндөршил, Гурвансайханд 20.1-33.4 мм орсон бол бусад нутгаар ороогүй (2 дугаар зураг) . Орсон хур тунадасны хэмжээг олон жилийн дундажтай харьцуулбал ихэнх нутагт дунджийн орчим ба түүнээс бага, Баянхонгор, Өвөрхангай, Дундговь, Говьсүмбэрийн ихэнх, Баян-Өлгий, Увс, Ховд, Говь-Алтай, Архангай, Өмнөговь, Хэнтий, Дорноговь, Сүхбаатарын зарим сумдын нутгаар дунджаас ахиу байлаа.

           Салхины хурд тал хээр, говийн нутгаар түр зуур 16-26 м/с буюу аюултай үзэгдлийн хэмжээнд хүрч салхилсан байна.

Цаг агаарын нөхцөлийн онцлог

•       МАА-н үйлдвэрлэлд сааль сүү, хадлан тэжээл, хужир шүү бэлтгэх, мал оторлуулах ажил хийгдэж байна.

Ус цаг уур, орчны судалгаа мэдээллийн хүрээлэн

Хөдөө аж ахуйн цаг уурын судалгааны хэлтэс, Утас-321523