Хонь ба Тахь усны баянбүрд газарт биотехникийн арга хэмжээ авав

Говийн их дархан цаазат газрын "Б" хэсгийн нийт нутаг дэвсгэрт 2024 оны 01 сарын 17-19-ний өдрүүдэд хяналт шалгалт, мониторингийн ажлыг хэрэгжүүлэн ажиллалаа. Дархан цаазат газрын нийт нутаг дэвсгэрт цас их хэмжээгээр цасан бүрхүүл тогтож, тал газарт 15-20 см, уулархаг болон гуу жалганд 40-52 см зузаантай цасан бүрхүүл тогтоод байна.

Говийн их дархан цаазат газрын “Б” хэсэгт Говь-Алтай, Ховд аймгийн 5 сумын нутаг дэвсгэр хамаардаг болно

Говийн их дархан цаазат газрын “Б” хэсгийн Хонь ба Тахь усны баянбүрд газарт сэргээн нутагшуулж байгаа тахийн 21 үржлийн сүрэг, азарган үрээний 4 сүрэг нийт 273 тоо толгой тахь бүртгэж, ажиглалтын хүснэгтэнд бүртгэв.

Сэргээн нутагшуулж буй 25 тахь сүргийн 273 тоо толгойд биотехникийн арга хэмжээ авч, 185 пресс өвс тавив гэж Байгаль орчин, аялал жуулчлалын яамнаас мэдээллээ.