Сумын төв рүү морьтой явсан малчин сураггүй алга болжээ

Сэлэнгэ аймгийн Ерөө суманд малчин Ж нь энэ сарын 20-ны өдрийн 15:00 цагийн орчимд гэрээсээ Ерөө сумын төв рүү явна гэж морьтой гараад сураггүй алга болжээ.

Тодруулбал, унаж явсан морь нь есдүгээр сарын 21-ний өдрийн 12:00 цагийн орчим усанд норсон байдалтай гэрийнхээ гадна гүйж иржээ. Тус аймгийн Цагдаагийн газраас тухайн иргэнийг эрэн сурвалжлах ажиллагааг зохион байгуулсан боловч үр дүнд хүрээгүй тул эрэн хайх ажиллагааг тус аймгийн Онцгой байдлын газрын Эрэн хайх, аврах анги, Цагдаагийн  тасгийн алба хаагчид, ар гэрийнхэн эрэн хайх ажиллагааг зохион байгуулж байна.