Н.Учрал: ''Эрдэнэс Тавантолгой'' ХК-ийг олон улсын менежментээр удирдуулах шийдвэр гарлаа

 Засгийн газрын хуралдаанаас гаргасан шийдвэрийн талаар ЗГХЭГ-ын дарга Н.Учрал мэдээлэл хийлээ. Тэрбээр "Өнөөдөр Үндэсний баялагийн сангийн тухай хуулийн хэрэгжилтийг хангуулах тогтоолыг хэлэлцлээ. Үндэсний баялагийн сангийн хуулийг УИХ-аар хэлэлцүүлэн батлахдаа байгалийн баялгийг ашиглах төрийн бодлого нь урт хугацааны төрийн бодлого  юм. Одоо ба ирээдүйн иргэн бүрд эрүүл аюугүй орчинд амьдрах эрхийг баталгаажуулах, газрын хэвлийн өгөөжийг Үндэсний баялгийн санд төвлөрүүлж, тэгш хүртээнэ гэж заасан байдаг. Стратегийн ордыг ашиглахдаа үр өгөөжийг нь Үндэсний баялгийн санд төвлөрөх юм. Үндэсний баялагийн санд стратегийн ордуудын 34 хувь нь төвлөрдөг.

 Өнгөрсөн хугацаанд хуримтлалын санд 500 тэрбум төгрөг хуримтлуулж, 5000 мянган өрх орон сууцанд амьдрах нөхцөл бүрдээд байна. Мөн "Эрдэнэс Тавантолгой" ХК-д бүхэлд нь менежментийн шинэчлэлт хийнэ. Тус компанийн удирдлагыг олон улсын менежментээр хэрэгжүүлэх судалгаа, үнэлгээний зөвлөх үйлчилгээг өнөөдрийн хуралдаанаар хэлэлцсэн. Судалгаа, үнэлгээний үе шатанд зөвлөх үйлчилгээний компанийн гүйцэтгэх ажил нь хэрэгцээ шаардлагагыг тодорхойлох, мэдээлэл цуглуулж дүн шинжилгээ хийх юм" гэлээ.