Сэтгүүлчийг Эрүүгийн хуулиар яллахгүй байх ёстой гэв

Үзэл бодол: Ялтай эрх чөлөө хэлэлцүүлгийг АН-ын бүлгээс төрийн ордонд зохион байгуулж байна. Хэлэлцүүлэгт  МСНЭ болон сэтгүүл зүйн салбарын иргэний нийгмийн байгууллагууд , хэвлэл мэдээллийн байгууллагуудын төлөөлөл оролцож байна.  Хэлэлцүүлгийн гол сэдэв Эрүүгийн хуулийн 13.14-өөр сэтгүүлчийг яллаж хэвлэн нийтлэх эрх чөлөөнд халдаж буй явдал юм гэж хэлэлцүүлэгт оролцогчид жишээ татан хэлж байна.

Эрүүгийн хэргийн шийдвэрлэлт

2020-2023он, 2024 оны эхний найман сарын хугацаанд нийт шалгасан 828 эрүүгийн хэргийн 548 буюу 66.2 хувийг шийдвэрлэсэн байх бөгөөд шийдвэрлэсэн байдлаар нь авч үзвэл:

-408 буюу 74.5 хувийг хэрэг бүртгэлтийн хэрэг хааж /хэрэгсэхгүй болгох/

-108 буюу 19.7 хувийг шүүхэд шилжүүлэх

-32 буюу 5.8 хувийг эрүүгийн хэрэгтэй нэгтгэж тус тус шийдсэн байна.