С.Ганбаатар: Хүнийг өмгөөлөгчгүйгээр шүүнэ гэдэг эрх баригчид дэндүү даварч байгаа хэрэг

УИХ-ын гишүүн С.Ганбаатар: Төрийн нууцыг хадгалж байх ёстой албан тушаалтныг ярихгүйгээр Н.Өнөрцэцэгийг яллана гэдэг өрөөсгөл, ийм хошин шогийн жүжиг шиг юм байж болохгүй. Би энэ асуудлыг Хүний эрхийн дэд хороон дээр дэлгэрэнгүй ярьсан нууцлалтай холбоотой учир үүнээс өөр юм ярьж болохгүй байна. Ард түмэнд мэдээлэл өгдөг, үнэнийг дэлгэдэг хүмүүсийг боомилж байгаа нь ардчиллыг боомилж байна гэсэн үг. Ардчиллын амин сүнс нь мэдээлэл. Цэргийн амь нас, ногоон автобус, дарга сайд нарын идэж ууж байгаа аймшигтай авлигал энэ болгоныг Сэтгүүлч Н.Өнөрцэцэг ил болгосон. Хүнийг өмгөөлөгчгүйгээр шүүнэ гэдэг эрх баригчид дэндүү даварч байгаа хэрэг юм.