Энэ долоо хоногт цаг агаар ямар байх вэ?

Долоо хоногийн цаг агаарын ажиглалтын мэдээний тойм

2024 оны 08 сарын 12-ны 08 цагаас 2024 оны 08 сарын 19-ний 08 цаг хүртэлх 7 хоногийн цаг агаарын тойм

Хур тунадас: Хугацааны сүүл үеэр говийн аймгуудын нутаг болон зүүн аймгуудын нутгийн өмнөд хэсгээр бороо ахиу хэмжээтэй орсон байна. Үүнд 12-нд баруун аймгуудын нутгийн зарим газар,төвийн аймгуудын нутгийн баруун хэсгээр 0.0-23.6 мм, 13-нд баруун болон төвийн аймгуудын ихэнх нутаг, зүүн аймгуудын нутгийн баруун хэсгээр 0.0-23.8 мм, 14-нд баруун болон төвийн аймгуудын ихэнх нутаг, говийн аймгуудын нутгийн баруун болон өмнөд хэсэг, зүүн аймгуудын нутгийн баруун хойд хэсгээр 0.0-30.0 мм, 15-нд баруун аймгуудын нутгийн зүүн, төвийн аймгуудын нутгийн зүүн болон өмнөд, зүүн аймгуудын нутгийн баруун хэсэг, говийн аймгуудын ихэнх нутгаар 0.0-52.0 мм, 16-нд нутгийн зүүн хагаст 0.0-67.0 мм, 17-нд нутгийн зүүн хагаст 0.0-34.0 мм, 18-нд баруун аймгуудын нутгийн зарим газар,төвийн аймгуудын нутгийн зүүн хэсэг, зүүн аймгуудын нутгийн ихэнх, говийн аймгуудын нутгийн зүүн хэсэг 0.0-29.0 мм бороо, дуу цахилгаантай аадар бороо орсон байна. 7 хоногийн хур тунадасны нийлбэрээр хамгийн их нь Хэнтийн Дарханд 78.0 мм, Нийслэлийн Хан-Уулд 71.6 мм, Баянхонгорын Жинстэд 67.0 мм, Өмнөговийн Цогт-Овоод 65.0 мм, Хэнтийн Өмнөдэлгэрт 60.9 мм, бусад хэсгээр 0.0-59.0 мм бороо, дуу цахилгаантай аадар бороо орсон байна.

Агаарын хамгийн их температур: Хугацааны эхэнд Хөвсгөлийн уулархаг нутаг, Завхан голын эх орчмоор +15...+20 градус, Монгол-Алтай, Хангай, Хэнтийн уулархаг нутаг, Тэрэлж, Хэрлэн, Халх голын хөндий, говийн аймгуудын зүүн хэсэг, Дарьгангын тал нутгаар +21…+28 градус, Сэлэнгэ, Хараа, Ерөө голын хөндий, говийн аймгуудын нутгийн баруун өмнөд хэсгээр +32…+39 градус, бусад нутгаар +26…+31 градус дулаан байв. 8-р сарын 13-нд баруун болон төвийн аймгуудын нутгаар өмнөх өдрөөсөө 1-12 градусаар сэрүүсэн Хангай, Хөвсгөлийн уулархаг нутаг, Завхан голын эх, Хүрэнбэлчир орчмоор +12…+17 градус, Алтайн уулархаг нутаг, говийн бүс нутгийн хойд хэсгээр +18...+23 градус, говийн бүс нутгийн зүүн хэсэг, Хэнтийн уулархаг нутаг, Орхон, Сэлэнгэ, Хараа, Ерөө, Туул, Хэрлэн, Онон, Улз, Халх голын хөндийгөөр +29…+34 градус, бусад нутгаар +24…+29 градус дулаан байв. Хугацааны дунд үе буюу 8-р сарын 15-нд баруун, төв болон говийн аймгуудын нутгаар өмнөх өдрөөсөө 1-12 градусаар сэрүүсэн Хангайн уулархаг нутаг, говийн бүс нутгийн хойд хэсэг, Завхан голын эх, Хүрэнбэлчир орчмоор +12…+18 градус, Монгол-Алтай, Хөвсгөлийн уулархаг нутаг, Орхон-Сэлэнгийн сав газар, Эг, Үүр, Хараа, Ерөө, Туул, Тэрэлж, Хэрлэн голын хөндийгөөр +19…+24 градус, Их нууруудын хотгор, Алтайн өвөр говь, Онон, Халх голын хөндий, говийн бүс нутгийн зүүн өмнөд хэсэг, Дорнод-Дарьгангын тал нутгаар +28…+33 градус, бусад нутгаар +24…+29 градус дулаан байв. Хугацааны сүүлээр үе буюу 8-р сарын 16-наас нутгийн баруун хагаст 1-10 градусаар дулаарч, нутгийн зүүн хагаст 1-5 градусаар сэрүүсэж Хангай, Хэнтийн уулархаг нутаг, Хүрэнбэлчир орчим, Туул, Тэрэлж, Хэрлэн, Онон, Улз голын хөндий, говийн бүс нутгийн төв хэсгээр +17…+24 градус, Их нууруудын хотгор, Алтайн өвөр говь, Халх голын хөндийгөөр +30…+36 градус, бусад нутгаар +24…+30 градус дулаан байв.

Агаарын хамгийн бага температур:  Хугацааны эхэнд Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчмоор +4…+9 градус, говийн бүс нутгийн өмнөд хэсэг, Орхон, Сэлэнгэ, Хараа, Ерөө, Туул голын хөндийгөөр +17…+22 градус, бусад нутгаар +10...+16 градус дулаан хоносон байна. Хугацааны дунд үе буюу 8-р сарын 15-17-нд Хангай, Хөвсгөлийн уулархаг нутаг, Завхан голын эх, Хүрэнбэлчир орчмоор -1…+5 градус, Монгол-Алтайн уулархаг нутаг, Идэр, Тэс, Эг, Үүр голын хөндийгөөр +6…+11 градус, Хэнтийн уулархаг нутаг, говийн бүс нутгийн өмнөд хэсэг, Орхон, Сэлэнгэ, Хараа голын хөндий, Дорнод-Дарьгангын тал нутгаар +15…+21 градус, бусад нутгаар +10...+15 градус дулаан хоносон байна. Хугацааны сүүл буюу 8-р сарын 19-нд Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Байдраг, Туул, Тэрэлж, Хэрлэн голын хөндийгөөр +2…+9 градус, Их нууруудын хотгор, Алтайн өвөр говиор +16…+23 градус, бусад нутгаар +10...+16 градус дулаан хоносон байна.

Cалхи: Ихэнх хугацаанд ихэнх нутгаар секундэд 5-10 метр, нутгийн зарим газраар борооны өмнө түр зуур секундэд 14-18 метр хүрч ширүүссэн байна.

Улаанбаатар хот орчмоор:

 Хур тунадас: 14-нд 0.0-6.0 мм, 15-нд 0.0-7.0 мм, 16-нд 4.0-37.0 мм, 17-нд 8.0-28.0 мм, 18-нд 0.0-5.0 мм, 19-нд 0.0-0.4мм бороо, дуу цахилгаантай аадар бороо орсон.

Cалхи: Ихэнх хугацаанд секундэд 3-8 метр, 14-нд борооны өмнө түр зуур ширүүсэж секундэд 12-14 метр хүрсэн байна. 

Агаарын температур: Хугацааны эхэн ба дунд үед шөнөдөө +14…+18 градус, 18-наас сэрүүсэж +9…+13 градус дулаан, өдөртөө хугацааны эхэнд +26…+30 градус, хугацааны дунд үе буюу 15-наас сэрүүсэж +19…+24 градус дулаан байв. 

 ЦАГ УУР, ОРЧНЫ ШИНЖИЛГЭЭНИЙ ГАЗАР Урьдчилан Мэдээлэх Хэлтэс