НИТХ-ын 2024 оны ээлжит сонгуульд 15 нам, нэг эвсэл оролцоно

Нийслэлийн Сонгуулийн хороо Нийслэлийн иргэдийн Төлөөлөгчдийн Хурлын 2024 оны ээлжит сонгуульд оролцох хүсэлтээ ирүүлсэн нам, эвслийг бүртгэсэн тогтоолыг нам, эвсэлд гардууллаа. Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийн 25 дугаар зүйлд заасны дагуу Нийслэлийн сонгуулийн хороонд 15 нам, 1 эвсэл сонгуульд оролцох хүсэлтээ ирүүлсэн байна. Үүнд:

1. Монгол Ардын Нам
2. Ардчилсан Нам
3. Үндэсний эвсэл
4. Иргэний Зориг Ногоон Нам
5. Бүгд Найрамдах Нам
6. Эрх Чөлөөг Хэрэгжүүлэгч Нам
7. Иргэний Хөдөлгөөний Нам
8. Хөгжлийн Хөтөлбөр нам
9. ХҮН Нам
10. Ард Түмний Хүч Нам
11. Үнэн ба Зөв Нам
12. Ард Түмний Олонхийн Засаглал Нам
13. Гэр Хороолол Хөгжлийн Нам
14. ШИНЭ Нам
15. Иргэдийн Оролцооны нэгдэл нам
16. Сайн Ардчилсан Иргэдийн Нэгдсэн Нам

Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийн 19 дүгээр зүйлийн 19.1 дэх хэсэг, 27 дугаар зүйлийн 27.1, 27.2, 27.3 дахь хэсгийг үндэслэн Нийслэлийн иргэдийн Төлөөлөгчдийн Хурлын 2024 оны ээлжит сонгуульд 15 нам, 1 эвслийг оролцуулахаар бүртгэж, тогтоол гаргаснаар дээрх нам эвслүүд сонгуульд оролцох эрхтэй болж байна.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС