Моторт завиар зугаалж яваад завь нь хөмөрч 2 хүн нь эсэн мэнд гарч, 1 хүн нь осолджээ

Хөвсгөл аймгийн Рэнчинлхүмбэ сумын “Тэнгис-Шишгэд”-ийн голд 3 хүн моторт завиар зугаалж яваад завь нь хөмөрч 2 хүн нь эсэн мэнд гарч, 1 хүн нь осолджээ. Уг дуудлагыг наймдугаар сарын 03-ны өдрийн 19:08 цагт хүлээн авсан байна.  

Хөвсгөл аймгийн Онцгой байдлын газрын Эрэн хайх, аврах салбарын  алба хаагчид иргэн П/36 настай, эрэгтэй/-ийг эрэн хайх ажиллагааг зохион байгуулахаар энэ сарын 3-ны өдрийн 20:44 цагт ангиас гарч, Цагааннуур суманд 04-ний өдрийн 10:50 цагт очжээ.

 Алба хаагчид цааш завьтай явж анх осолдсон газарт 15:02 цагт очиж уснаас эрэн хайх ажиллагааг зохион байгуулан 20:37 цагт түр зогсоож, өнөөдөр 06:00 цагт дахин эхлүүлсэн тухай ОБЕГ-аас мэдээллээ.