Ц.Элбэгдорж: Сэтгүүл зүй бол гэмт хэрэг биш

Өнгөрсөн долоо хоногт Хэвлэлийн эрх чөлөөний Мекка гэх Үндэсний Хэвлэлийн Клубт зочноор Ерөнхийлөгч асан Ц.Элбэгдорж оролцсон байна. Тэрбээр сэтгүүлчид, улс төрийн хоригдлуудыг суллахыг уриалжээ. Мөн сэтгүүлч Өнөрцэцэгийн асуудлыг Олон улсын сэтгүүлчдийн клубийн анхааралд бас орууллаа. Сэтгүүл зүй бол гэмт хэрэг биш хэмээн цахим хуудаснаа бичжээ.

Ерөнхийлөгч асан Ц.Элбэгдорж: Сэтгүүлчид, улс төрч, олон нийтийн зүтгэлтэн хэн нь ч бай хулгайч дарангуйлагчдын бузрыг долоож, худалдагдахгүй бол Та бүхнийг ийм хувь заяа тосож байгаа. Шоронд орсон ч, шороонд дарагдсан ч, бүгд чамайг зүхэж байвч битгий бууж өгөөрэй. Эрх чөлөө, ардчилал, иргэд олныхоо талд үргэлж зогсоорой. Чи ганцаараа биш шүү. Өнөөдөр эрх булаагчид дураараа дургих боловч, маргааш эрх чөлөөний элчүүд ялах л болно.