"The Glory" олон ангит киноны зураг авалтыг Сэжун хотын 45 давхар кафед авчээ

Солонгос улсын шинэ залуу хот гэгддэг Сэжун хот хэдийгээр хүн ам багатай ч гэлээ амралт чөлөөт цагаа өнгөрүүлэх газар, аялал жуулчлалын бүсүүд ихтэй. Тэдгээрийн нэг болох Meta 45 кафе юм. Кафе нь барилгын 45 давхарт байдаг бөгөөд Сэжун хотын хамгийн өндөрлөгт оршдог кафе юм. Тус кафе нь Netflix-ээр цацагдсан "The Glory" олон ангит киноны зураг авалтын нэгийг хийсэн гэдгээрээ танигджээ. Тиймээс бусад хотуудаас зорин ирж үйлчлүүлэх үйлчлүүлэгчид ч цөөнгүй. Кино зураг авалтын дараа буюу 2022 онд 20,000 гаруй хүн тус кафегаар үйлчлүүлсэн байна.

Энэхүү кафе өдрийн цагаар кофе ууж, амттаа идэнгээ ярин суух залуусаар дүүрэн байдаг бол оройн цагаар шар айраг шимэн Сэжун хотын шөнийн үзэмжийг толидон суух олны хөлийн газар болдог.