Саналын хуудасны зургаа авч нийтэд мэдээлэх нь 10 сая төгрөгийн торгуультай

Өнөөдөр өглөөний 07:00 цагаас хойш УИХ-ын ээлжит сонгуулийн санал хураалт үргэлжилж байна. Санал хураалт эхлээд зургаан цаг болж байна. Энэ хугацаанд цахим сүлжээнд санал өгсөн хуудасныхаа зургийг нийтлэх тохиолдол гарч байгааг СЕХ-оос хэлж байна. Саналын хуудсаа бусдад харуулах үйлдэлд Зөрчлийн тухай хуулиар 10 сая төгрөгийн торгууль оногдуулахын СЕХ-оос анхаарууллаа.

30.2.саналын хуудсанд тэмдэглэсэн санал, саналын хуудасны зураг авсан, дүрс бичлэг хийсэн, шууд дамжуулсан, бусдад харуулсан; /Энэ заалтад 2024 оны 06 дугаар сарын 05-ны өдрийн хуулиар өөрчлөлт оруулсан./ 30.3.саналын хуудсанд зориулалтын бус үзгээр санал тэмдэглэсэн; 30.4.аль нэг нэр дэвшигчийн төлөө санал өгөх, эсхүл өгөхгүй байхаар мөнгө, эд зүйл шаардсан, шаардаж авсан бол хүнийг арван мянган нэгжтэй тэнцэх хэмжээний төгрөгөөр торгоно.