Шинжлэх Ухааны академитай хамтран ажиллах санамж бичиг байгууллаа

О.Шүрэнцэцэг

2024/06/10

Монгол Ардын Намын дарга, Монгол Улсын Ерөнхий сайд, Л.Оюун-Эрдэнэ өнөөдөр /2024.06.10/ Монгол Улсын Шинжлэх ухааны академи /ШУА/-тай ирэх дөрвөн жилд хамтран ажиллах санамж бичигт гарын үсэг зурлаа.

Хамтын ажиллагааны санамж бичиг байгуулах ёслолын ажиллагааны үеэр Монгол Ардын Намын дарга, Монгол Улсын Ерөнхий сайд Л.Оюун-Эрдэнэ “Монгол Улсын парламентын түүхэнд амжилтаа бататгаж, алдаагаа дэнсэлж, нийгмийн салбар бүрийн дуу хоолойг тусгасан цоо шинэ парламентын эрин үеийг бид эхлүүлж байна. Монгол Улс өнгөрсөн жилүүдэд шинжлэх ухааны эрдэмтдээ сонсолгүйгээр бодлогын тогтворгүй байдалтай явж ирсэн. Олон жил бид шинжлэх ухааны салбарыг бодлогын гадна үлдээж ирсэн. Дэлхийн өндөр хөгжилтэй орнууд шинжлэх ухаан дээрээ бүх хүчээ төвлөрүүлдэг. Тиймээс шинэ 30 жилийг эхлүүлж буй нээлтийн өдөр би шинжлэх ухааны эрдэмтэдтэйгээ уулзаж, ШУА-ийн ерөнхийлөгчийг намын жагсаалтын тавдугаарт оруулсан. Бид Монгол Улсын парламент шинжлэх ухаанч байгаасай гэж бодлогын шийдвэрийг гаргасан юм. Төлөөллийн нийгмийн парламент бүрдүүлэх гэж энэ шийдвэрийг гаргасан. ШУА парламентад өөрийн төлөөлөлтэй болсноороо эрхзүйн орчноо өөрчилж, оролцоогоо хангах боломж бүрдэнэ” хэмээн онцоллоо.

Мөн ШУА-ийн ерөнхийлөгч, академич Д.Рэгдэл “Өнөөдөр Монгол Улсын шинжлэх ухааны түүхэнд бичигдэх шинэ хуудас нээгдэж байгаад баяртай байна. УИХ-ын сонгуулийн нээлтийн өдөр Монгол Ардын Намын дарга, Монгол Улсын Ерөнхий сайд Л.Оюун-Эрдэнэ өөрийн биеэр хүрэлцэн ирж, ирэх дөрвөн жилд хамтран ажиллах санамж бичигт гарын үсэг зурж байна. ШУА-ийн ерөнхийлөгчийг намын жагсаалтын тавдугаарт дэвшүүллээ. Энэ бол Монгол Улсын Засгийн газар шинжлэх ухааны хөгжилд хэрхэн анхаарахаа нийгэмд үзүүлж байгаа илрэл гэж ойлгож байгаа. Бид цаашид санамж бичгийнхээ хүрээнд хүлээсэн үүргээ нэр төртэй биелүүлж, Монголын нийгмийн шинэ 30 жилд шинжлэх ухааны салбар бодитой хувь нэмэр оруулж чаддаг гэдийг харуулах ёстой. Ирэх жилүүд шинжлэх ухаан технологийн сэргэлтийн жилүүд байх болно гэдэгт итгэлтэй байна” хэмээн ШУА-ийн эрдэмтэн судлаачдыг төлөөлөн үг хэлсэн юм.

Дашрамд дурдахад, ШУА-ийн харьяа 16 хүрээлэнд 1200 орчим ажилтан 400 орчим докторын зэрэгтэй нарийн мэргэжлийн судлаачид ажиллаж байна.

Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

102.88.43.203

2024/06/11

Сайн байна уу, би Энэтхэгт 1 бөөрөө хэрхэн зарсан тухай гэрчлэлээ дэлхийтэй хуваалцахыг хүсч байна. Би Монголын Оюутолгойн хүн. Би DR-тэй холбогдлоо. Интернетээр дамжуулан ADITY, би донор болсон. Би эмнэлэгт 1 бөөр өгсөн. Өөртөө болон гэр бүлдээ сайхан амьдрал хэрэгтэй байсан учраас 1 бөөрийг мөнгөөр өгсөн. Би маш эрүүл хэвээр байна. бөөрөө өгсний дараа. Одоо би санхүүгийн амжилтандаа баяртай байна. Эмч нар надад бөөрөнд 780,000.00 мянган доллар төлсөн. Одоо би 780 мянган ам.доллараар байр, машин худалдаж аваад Монголд өөрийн компаниа байгуулсан. Хэрэв танд санхүүгийн асуудал/сорилттой тулгарсан эсвэл баян болохыг хүсэж байвал DR.PRADHAN.UROLOGIST [email protected] хаягаар холбогдоно уу.

Хариулах

2405:5700:310:1bd7:2d13:e459:56dd:9dca

2024/06/11

Манай ШУА ч дээ, "гараас" нь юм гарна гэж байхгүй, гарсан юм нь хэрэг болсон гэж дуулдахгүй, ШУА - ийн бүтээгдэхүүн энэ гээд үзүүлсэн юм харагдахгүй, тэтгэврийнхэнд хэдэн цаас нэмж өгөхөөс өөр гийгүүлсэн юм юутай байгууллага юм бол доо. За орчин цагийн улс төрд нэмэр болох тухайд бол ёстой таг байх аа даа.

Хариулах

192.82.92.42

2024/06/11

Шинжлэх ухааныг гутаасан мангарууд! Ламын емне сунаж унадаг ШУА гутамшиг. Терийн шинжлэх ухаан гэж байдаггуй юм!!!

Хариулах

Шинэ мэдээ