А.Г.Лукашенко: Манай улс ашиг хонжоо хараагүй, урт хугацааны харилцан ашигтай хамтын ажиллагааг хүсэж байна

Монгол Улсын Ерөнхийлөгч Ухнаагийн Хүрэлсүхийн урилгаар БНБУ-ын Ерөнхийлөгч А.Г.Лукашенкогийн Монгол Улсад хийж буй төрийн айлчлалын хүрээнд Монгол Улсын Ерөнхийлөгч У.Хүрэлсүх, БНБУ-ын Ерөнхийлөгч А.Г.Лукашенко нар албан ёсны хэлэлцээний үр дүнгийн талаар мэдээлэл өглөө.

 Энэ үеэр БНБУ-ын Ерөнхийлөгч А.Г.Лукашенкогийн илэрхийлсэн онцлох байр суурийг тоймлон хүргэж байна.

• Монгол Улсын гадаад бодлогоо хэрэгжүүлж буй прагматик хандлага бидэнд ойр, ойлгомжтой байдаг.
• Бид Монгол Улстай өргөн хүрээнд хамтран ажиллах чин сэтгэл, эрмэлзэлтэй ирсэн. Монгол-Беларусийн бизнес форумд беларусийн талаас 200 аж ахуйн нэгж оролцож байна.
• Хоёр талын албан ёсны хэлэлцээний үеэр ойрын хугацаанд 3-4 хамтарсан төслийг хэрэгжүүлэх нь зүйтэй гэж ярилцсан.
• Манай улс ашиг хонжоо хараагүй, урт хугацааны харилцан ашигтай хамтын ажиллагааг хүсэж байна.
• Хэрвээ Монгол Улс беларусийн техник технологийг сонирхвол бид туслахад бэлэн байна.
• Бид Монголын арьс шир, ноос ноолууран бүтээгдэхүүнийг худалдан авахад таатай байх болно.
• АНУ тэргүүтэй орнууд юу ч гэсэн, бид энх тайван тогтоосой гэсэн эрмэлзлийн төлөө ажиллаж байгаа. Тиймээс аливаа мэдээллийг судлан тунгаана гэдэгт итгэж байна.
• Беларусь, Монголын харилцаа, хамтын ажиллагаа их гүрнүүдийн ижил түвшинд хөгжих бүрэн бололцоотой юм. Амжилттай хэрэгжүүлж чадна гэдэгт бүрэн итгэж байна.