Сэтгүүлчид эрх баригчдаас хэвлэлийн эрх чөлөөгөө нэхэв

УИХ дахь МАН-ын бүлэг отгон хуралдаанаа хийж хийсэн ажлаа тайлагналаа. Тэд өөрсдийгөө хариуцлагатай сайн ажилласан гэж дүгнэсэн бол парламентийн сэтгүүлчид тэднээс хэвлэлийн эрх чөлөө нэхэн шаардсан юм.

-Ийгл телевизийн тоймч Г.Улсболд:  Үзэл бодлоо илэхийлэх эрх чөлөөтэй холбоотой хуулийн төслүүд дараагийн парламентад шилжлээ. Эдгээр хуулиудыг хэлцээгүй шалтгаанаа тайлбарлахгүй юу?

-МАН-ын бүлгийн дарга Д.Тогтохсүрэн: Бид хэлэлцэхээр шийдсэн асуудлуудаа бараг бүрэн шийдсэн. Засгийн газар, Ерөнхийлөгч, УИХ-аас өргөн барьсан олон хуулиудыг батласан. Өөрийн чинь асуусан хуулиуд дээр ажлын хэсэг ажиллаж байгаа.

-Ийгл телевизийн сэтгүүлч Б.Балжинням:  Б.Жаргалмаа, М.Оюунчимэг нарын гишүүдийн санаачилсан хуулийн төсөл юу болсон бэ? Эрүүгийн хуулийн 13.14 -р заалтад тайлбар  оруулах тухай заалт буюу  улс төрд нөлөө бүхий этгээдийг шүүмжилсэн сэтгүүлчийг цагдаад өгөхийг хориглоно гэж оруулсан хуулийн төсөл юу болсон бэ?

-УИХ-ын гишүүн М.Оюунчимэг: Энэ хуулийн төсөл бүлгээр хэлцэгдээд дэмжигдсэн. УИХ-ын даргад хуулийн төслөө өргөн барьсан. Шүгэл үлээгчийн тухай хуулийн хамтатгана гээд татагдан.

-Ийгл телевизийн сэтгүүлч Б.Балжинням:  Энэ парламентийн хугацаанд Хэвлэлийн эрх чөлөөний индэксээр 20 гаруй байр ухарчихлаа. Цаашдаа ямар ямар хууль дээр эрх зүйн шинэчлэл хийж хэвлэлийн индексийг сайжруулах шаардлагатай гэж харж байна вэ?

-УИХ-ын гишүүн М.Оюунчимэг: Энэ бол бодит үнэн. Бид энэ дээр холбогдох хүмүүсээс нь санал асуулга тавьж асууя гэсэн санал хүртэл гаргасан. Энэ их хурлын нэг онцлог нь  бид Хэвлэлийн зөвлөлийн мэдээллийг Төрийн байгуулалтын байнгын хороон дээр анх удаагаа сонссон. Хэвлэл мэдээллийн бие даасан байдлыг хангая, хүний нөөцөө бэлтгэе дэмжлэг үзүүлж ажиллая гэдэг талаас нь асуудлыг сонссон.

Ингэхгүй бол хэвлэл мэдээллийн хэрэгсэл, олон нийтийн сүлжээ хоёр ялгагдахаа байлаа. Редакцтай байх, сэтгүүлч хүн эх сурвалжаа нууцалдаг, хамгаалдаг байх эрхийг нь олгох ёстой дээрээ хамтрач зэрэг асуудлаар санал нэгдсэн.

-Зариг.мн сайтын ерөнхий редактор Ш.Адъяамаа:  Энэ парламентийн үед хамгийн их сэтгүүлчийн эрх зүйн байдал дордсон,  хамгийн олон сэтгүүлч шалгагдаж байгаа буюу Монголын сэтгүүлчдийн нэгдсэн эвлэлийн өгсөн мэдээллээр 20 гаруй сэтгүүлч Эрүүгийн хэргээр шалгагдаж байна. Та бүхэн хэвлэлийн эрх чөлөөг сайжруулах тал дээр ямар өөрчлөлт оруулах шаардлагатай гэж үзэж байна.  Эрүүгийн хуулийн 13.14-р зүйлийг эгүүлэн Зөрчлийн тухай хуульд оруулах тал дээр бодитой шийдэл хэлж чадах уу?

-МАН-ын бүлгийн дарга Д.Тогтохсүрэн: Бид хэвлэлийн эрх чөлөөг цаашид яаж хангах, олон нийтийн мэдэх эрхийг хэрхэн хангах тал дээ мөрийн хөтөлбөртөө дэд хэсэг болгож оруулсан. Одоогоор мөрийн хөтөлбөрийн талаар ярих хуулийн хугацаа эхлүүгүй байгаа учраас тухайн үед нь бид дэлгэрэнгүй мэдээлэл өгнө.