Дуучин Б.Болд, Х.Мөнгөнцэцэг нар тоглолтынхоо орлогоос 20 сая төгрөгийг хүүхэд асрах төвд хандивлав

Хос дуучин гэр бүл болох Б.Болд, Х.Мөнгөнцэцэг нар ээлжит хандивын тоглолтоо зохион байгууллаа. Тэдний энэ удаагийн тоглолт  "Дэлхий нарны хүүхдүүд" нэртэй бөгөөд  Налайх дүүрэгт байрлах "Дэлхий нарны хүүхдүүд" тусгай хэрэгцээт хүүхдүүдийн цэцэрлэгийн бүтээн байгуулалтад зориулагджээ.  

Тоглолтоо хоёр удаа олон түмэндээ барьж нийт  20 сая төгрөгийн орлого төвлөрүүлжээ. Тоглолтын орлогоо 100 хувь тусгай хэрэгцээт хүүхдүүдийн цэцэрлэгт хандивласан байна. 

 Тэд өмнө нь “Малчдаа мартах учиргүй -2” хандивын тоглолтыг зохион байгуулж  Эх орныхоо баруун хязгаар Увс аймгийн Сагил сумын малчин түмний гар дээр хүнсний багц болгон хүргүүлж байсан юм.

 Сайн үйлс бүхэн дэлгэрэх болтугай.