Б.Гангаамаа: Хоёр уулчин маань 8000-8500-гийн хооронд л осолдсон гэсэн дүгнэлт гаргасан байна

Монголын уулчдын үндэсний холбооны ерөнхийлөгч, Гавьяат тамирчин Б.Гангаамаагаас алга болсон уулчдын талаар тодрууллаа. 

Тэрбээр, Өнөөдөр “8К” компанийн захирал Пембатай үдээс өмнө 11:32 цагт видео коол хийсэн, мөн үдээс хойш холбогдсон. “Шерпа нар салхины хүч буухыг хүлээгээд, 4 дүгээр кемп дээр байна. Эрлийн ажлыг түр зогсоосон. 18-аас салхины хүч бууна. Өнөөдөр орой маргаашнаас байдлыг харж байгаад цааш авах арга хэмжээгээ шийднэ. Тэгээд мэдэгдье” гэсэн хариулт өглөө. 

Эрэл бүр зогсоогүй. Түр зогссон. Ер нь бол 8000-8500-гийн хооронд л хоёр уулчин маань осолдсон гэсэн дүгнэлт одоогоор гаргаад байгаа юм байна. 

Сануулахад, Дэлхийн дээвэр Эверестийн оргилыг зорьсон хоёр монгол уулчин 8000 метрийн өндөрт сураггүй алга болсон тухай мэдээ хоёр хоногийн өмнө /2024.05.14/ цацагдсан. Тодруулбал, Ц.Өсөхбаяр, Л.Пүрэвсүрэн нар Эверестийн хамгийн өндөрт байрлах дөрөвдүгээр баазаас гараад сураггүй болсон юм. 

Эрлийн ажиллагаа өнөөдөр ч үргэлжилж байна. Эх сурвалжаас өгсөн мэдээллээр сураггүй болсон хоёр уулчны ар гэрийн таван хүн урьд шөнө Непальд ирсэн болохыг хэллээ. Үндсэн отог дээр эрүүл мэндийн улмаас авиралтаа үргэлжлүүлэх боломжгүй болж, үлдсэн уулчин Д.Отгонхүү байгаа аж.