13 настай охин: Чоно миний зүүн мөрнөөс хазах гэж оролдохоор нь баруун гараараа хэд хэд цохиод, аавыгаа дуудаж чадсан

Увс аймагт 13 настай охин хонио усалж байх үед нь чоно дайрч, охин эсэн мэнд гарсан талаарх мэдээлэл тархсан

Н.Удвал охин, "Би аавтайгаа хамт хонио усалж байсан юм. Гэтэл мал гэнэт үргэхээр нь хойш хартал юу ч байгаагүй. Тэгтэл гэв гэнэт чоно гараад ирсэн. Урд хоёр хөлөө мөрөн дээр тавиад, зүүн талын мөрнөөс хазах гэж оролдохоор нь баруун гараараа цохьсон юм. Гэтэл миний гарыг хазчихсан. Тэгээд дахин, дахин цохиж байгаад зугтаад аавыгаа дуудтал аав чулуу шидсэн чинь аав руу дайрсан. Аав хөөсөн чинь уул руу гүйчихсэн" гэв.

Одоогоор охины биеийн байдал хэвийн байгаа бөгөөд Увс аймгийн Нэгдсэн эмнэлгийн Гэмтлийн тасагт хэвтэн эмчлүүлж байгаа юм. 

Эх сурвалж: Увс телевиз