ОБЕГ: Хөдөлмөр хамгаалал болон бусад чиглэлээр манайхаас дутагдалтай зүйл байгаагүй

ЧД-ийн 7-р хороонд байрлах Миний дэлгүүрт гал гарч нэг алба хаагч нас барсан. Энэ асуудалтай холбогдуулан ОБЕГ-аас мэдээлэл хийлээ.

Мэдээлэлд:
• Алба хаагчдын хувьд хөдөлмөр хамгаалал болон бусад чиглэлээр манайхаас дутагдалтай зүйл байгаагүй.
• Одоогоор амь эрсэдсэн алба хаагчийг ямар шалтгаанаар нас барсан талаар албаны дүгнэлт гараагүй байна.
• Өнөөдрийн гал түймэрт иргэд өртсөн болон угаартсан зүйл байхгүй.

• Хэргийн газарт хууль хяналтын байгууллага үзлэг шинжилгээ хийж байна.
• Гурван давхар объект бүхэлдээ галд өртсөн.
• Гал гарсан объектод ажиллаж байсан алба хаагчдын тухайд хувцас хэрэгсэл дутаа асуудал байхгүй.
• Олон машин ирээд зэрэг ус тавина гэсэн зүйл байхгүй. Бүгд үүрэг чиглэлийн дагуу үүргээ биелүүлээд буцдаг.
• Нас барсан алба хаагч ОБЕГ-т 20 гаруй жил ажилласан. Ам бүл зургуулаа 5 хүүхэдтэй алба хаагч байсан. Ар гэртэй нь бид уулзсан.
• Дуудлагын дагуу очоод галын тархалтыг тогтоон үүргээ гүйцэтгэж байсан. Үүнээс цааш мэдээлэл өгөх боломжгүй байна.

Мэдээлэл хийсэн  албан тушаалтнууд: 

Ж. Чүлтэмсүрэн ОБЕГ-ын тэргүүн дэд дарга, бригадын генерал

Ц.Нямбаяр ОБЕГ-ын Гал түймэртэй тэмцэх газрын дарга, хурандаа

 А.Дашням НОБГ-ын дарга, хурандаа