М.Оюунчимэг: Хууль хүн бүрт тэгш үйлчлэх ёстой, Сэтгүүлчийн ажлыг хязгаарлаж болохгүй

Хууль хүн бүрд ижил үйлчлэх ёстой. Сэтгүүлч болж бүтэхгүй зүйлсийг ил болгосныхоо төлөө гадагшаа ч гарч болохгүй. Мэргэжлийн ажлаа ч хийж болохгүй байдалд орж болохгүй. Хөгжлийн банк зэрэг асуудлууд нь яригдсан хэр нь ажлаа хийгээд л явж байна. Яагаад сэтгүүлчийг хорьж байгаа юм би гайхаж байна. Бусад гишүүдтэйгээ нийлээд бүлгийн хуралд энэ асуудлыг оруулж ирэх бодолтой байгаа.

Сэтгүүлч нийгмийн эрх ашгийг ноцтой зөрчсөн, нийгэмд бугшсан, авлига албан тушаалын хэрэг гэхчлэн хардах эрхийнхээ хүрээнд асуудал хөндсөнийхөө төлөө хууль шүүхийн хаалга татах ёсгүй. Энэ дэлхийн бүх улсад байдаг. Манай хэвлэл мэдээллийн зөвлөл гэж байгаа. МСНЭ гэж байгууллага байна. Яг бодитой манай ийм ийм сэтгүүлчийг ийм асуудалд дээр ингэсэн гээд бодитой жишээг нь гаргаж ирээд хамтраад оруулж ирэх хэрэгтэй гэж бодож байна. Нэг хоёроор нь яллагдагчаар татдаг, улс төрийн зорилгоор ч юм уу? тэгээд тэр нь буруутай мэт ойлголт төрдөг жишиг тогтох вий дээ.