Өмгөөлөгч О.Батсүх: Онц бөгөөд дайны үеийн арга хэмжээг сэтгүүлч Н.Өнөрцэцэгт авч байна

Сэтгүүлчийн мэргэжлийн үйл ажиллагааг түдгэлзүүлэх саналыг прокурорын зүгээс миний үйлчлүүлэгчийн фейсбүүк орчинд бичсэн пост, шэйр хийсэн мэдээллийг танилцуулсан. Прокурорын танилцуулсан эдгээр мэдээлэл Н.Өнөрцэцэгийн шалгагдаж байгаа хэрэгт хамааралгүй, саад учруулаад байгаа зүйл байгаагүй. Зөвхөн цаг үеийн нөхцөл байдалтай холбоотой гарсан мэдээллүүдийг шэйрлэх, өөрт төрсөн сэтгэгдлээ бичсэн төдий зүйл байсан.Хүний эрхийн түгээмэл тунхаглалын 19-р зүйл, иргэний болон улс төрийн эрхийн олон улсын факт, Монгол улсын үндсэн хуулийн 16-р зүйлд зааснаар хүн ажил мэргэжлээ чөлөөтэй сонгох, хөдөлмөрлөх, үг хэлэх, хэвлэн нийтлэх, үзэл бодлоо чөлөөтэй илэрхийлэх эрхтэй байдаг. Энэ эрхийг Монгол улсын үндсэн хуульд зааснаар онц бөгөөд дайны үеийн нөхцөл байдал зарласан үед зөвхөн хуулиар хязгаарлана гэж хуульчилсан. Гэтэл тийм нөхцөл үүсээгүй байхад миний үйлчлүүлэгчийн сэтгүүлчээр ажиллах эрхийг хязгаарлаж байгаа нь хүний эрхийн зөрчил гэж харж байна.