Д.Дэлгэрмаа: “Евро-5” стандартын шатахуун нь моторын элэгдэлд бага нөлөөлдөг

Тээврийн чиглэлээр үйлчилгээ явуулдаг “Энхдэлгэр зам констракшн” ХХК-ийн захирал Д.Дэлгэрмаатай шатахууны чанар хэрэглээний талаар тодрууллаа.

Танай байгууллага хэдэн жил тээвэр хийж байна вэ? ямар төрлийн шатахуун сонгон хэрэглэдэг вэ?

 Манай байгууллага 2003 онд байгуулагдсан. Бид өнгөрсөн хугацаанд бусад шатахууныг хэрэглэдэг байсан ч гурван жилийн өмнөөс “Түлш нь давуу, хэрэглээ нь өндөр юм байна” гэдгээр нь “Евро-5” стандартын шатахууныг сонгон хэрэглэх болсон.

“Евро-5” стандартын шатахууныг яагаад байнга хэрэглэж байна вэ?

“Евро-5” стандартын шатахуун нь моторын элэгдэлд бага нөлөөлдөг нь ажиглагдсан. Энгийн түлш хийхээр мотор дахин дахин засвар үйлчилгээ хийлгэх гээд байдаг. Харин “Евро-5” стандартын шатахууныг хэрэглэж байх хугацаанд засвар үйлчилгээ хийх нь эрс багасаад цаг хугацааны хувьд ч санхүү төсөв мөнгөний тал дээр ч хэмнэлт гарсан. Энгийн шатахуун нь “Евро-5” стандартын шатахуунаас хямдхан боловч бид сонгохоосоо татгалзсан. Яагаад гэвэл үнэтэй ч гэсэн чанартайг нь хэрэглэж байгаа. “Евро-5” стандартын шатахууныг сонгоод ашиглавал эдийн засаг, хувь хүн, машинд ч зардал багатай, өөрийн өмчөө хамгаалж чадна гээд олон давуу талтай юм.