Зариг.мн сайт таван ажилтандаа орон сууцны урьдчилгаа олгожээ

Видео мэдээллийн “Зариг” сайтын төрсөн өдөр өнөөдөр тохиож байна. Долоон жилийн өмнө буюу 2017 оны дөрөвдүгээр сарын 01-ний өдөр zarig.mn сайт үзэгч, уншигчдад мэдээллээ түгээж эхэлж байв. Өнгөрсөн хугацаанд манай хамт олон, редакцийнхаа хүчээр онлайн мэдээллийн орчинд хамгийн шуурхай ажиллаж, үйл явдлын мэдээллийг өдөрт нь, цаг тухайд нь шууд, эвлүүлэггүй лайваар дамжуулж эхэлсэн нь тухайн үедээ хамгийн шинэ хэлбэр байсан төдийгүй энэ салбарт хийсэн “хувьсгал” байсан юм.

 Бид өдөрт дунджаар 1 сая хүнд хүрч, мэдээ мэдээлэлийг шууд болон шуурхай, тэнцвэртэй, олон талын байр сууринаас хүргэдэг хамгийн өндөр хандалттай мэдээллийн сайт болжээ.   

Цаашид  zarig.mn сайт мэдээ, мэдээллийн агуулга болон сайтын бүтцийн хувьд илүү өргөжиж, шинэчлэгдэхээр ажиллаж байна.

Зариг.мн сайт сүүлийн таван жилийн хугацаанд таван ажилтнаа орон сууцны урьдчилгаагаар шагнаж урамшуулаад байна. Зураглаач Э.Сугарсүрэн, Сэтгүүлч М.Төгөлдөр, Менежер Т.Жагваралмаа нарын сэтгэгдлийг хүргэж байна.