С.Ганбаатар: Эрүүгийн хуулийн 13.14-р заалтаар 24 сэтгүүлчийг хоморголоод барьсан байна

УИХ-ын чуулганы нэгдсэн хуралдаан болж байна. УИХ-ын гишүүн С.Ганбаатар хэвлэлийн эрх чөлөөний асуудлаар байр сууриа илэрхийллээ.

Эрхэм УИХ-ын гишүүд ээ. Цаана чинь 24 сэтгүүлчийг хоморголоод барьсан байна. Эрх баригчид аа.

Сэтгүүлчдийн дуу хоолойг боомилсноороо, өөрсдийгөө магтуулаад вакум болж болохгүй ээ. 24 сэтгүүлчийн асуудлыг УИХ-ын чуулган дээр ярих цаг болсон. Эрүүгийн хуулийн 13.14-р заалтаар бүгдийг нь барьсан байна. 24 сэтгүүлчийг барь хорьчхоод өнөөдөр манайх ардчилсан парламент гэж өөрсдийгөө ярьж болох уу? би эрүүгийн хууль тэр цагдаагийн ажилд хөндлөнгөөс орох гээгүй. Бидний баталсан эрүүгийн хуульд цоорхой байгаа эсвэл хууль хэрэгжүүлэхдээ нугалаа байгаа бол хуулийн хэрэгжилтэд хяналт тавьж үүргээ УИХ биелүүлэх хэрэгтэй байна.

Эрх баригчид аа. Нохойн дуу ойртлоо. Одоо та нар дүнгээ тавиулна.