Өнөөдөр УИХ дахь намын бүргүүд хуралдана

УИХ-ын хаврын чуулган өнгөрсөн Баасан гаригт нээлтээ хийсэн.  Хуваарийн дагуу өнөөдөр /2024.03.18/ УИХ дахь МАН, АН-ын бүлгүүд хуралдаж, энэ долоо хоногт чуулганаар хэлэлцэх хуулийн төслүүдийн талаар байр сууриа нэгтгэх юм.

Энэ долоо хоногт УИХ-аар Үндсэн хуулийн Цэцийн тухай хуулийн шинэчилсэн найруулгын төсөл,  Монгол Улсын Үндсэн хуулийн цэцийн 2024 оны 01 дүгээр дүгнэлт,   Монгол Улсыг 2021-2025 онд хөгжүүлэх таван жилийн үндсэн чиглэлийн 2023 оны биелэлт, Монгол Улсын Засгийн газрын 2020-2024 оны үйл ажиллагааны хөтөлбөрийн 2023 оны хэрэгжилт, Монгол Улсын хөгжлийн 2023 оны төлөвлөгөөний гүйцэтгэлийн тайлан, Гаалийн албан татвараас чөлөөлөх тухай хуулийн төсөл, Шүгэл үлээгчийн эрх зүйн байдлын тухай хууль, Монгол Улсын Их Хурлын 2024 оны ээлжит сонгуулийн бэлтгэл ажлын талаар Сонгуулийн ерөнхий хорооны мэдээлэл сонсох зэрэг асуудлуудыг хэлэлцэхээр төлөвлөжээ.