Б.Энх-Амгалан: Би гэм буруугүй, улс төрийн захиалгаар намайг яллаж байна, давж заалдана

УИХ-ын гишүүн Б.Энх-Амгалан мэдээлэл хийлээ. Тэрбээр "Сүхбаатар дүүргийн анхан шатны шүүхийн шийдвэртэй холбоотой асуудлыг та бүхэн сонирхож байх шиг байна.

Нэгдүгээрт шүүхийн шийдвэрт хүндэтгэлтэй хандаж байгаа ч би өмнө ч хэлсэн, хэзээд ч хэлнэ. Би бол гэм буруугүй. Тиймээс анхан шатны шүүхийн шийдвэрийг давж заалдана. Шүүхийн процесс үргэлжилж байгаа учир нарийн мэдээлэл өгөх боломжгүй. Та бүхэн тэвчээртэй хүлээж байгаарай. Давж заалдах шатны шүүхийн шийдвэр эцэслэн гарсны дараа энэ хэрэг хэрхэн эхэлсэн, чухам юу болсныг баримт нотолгоотой нь ярьж өгнө.

Хоёрдугаарт хаваржилт хүнд, хотод ч хүн ард стресс ихтэй байгаа цагт  зохиомол энэхүү хэргийг дарин давс бүү болгоорой гэж чин сэтгэлээсээ хүсэх байна. Үүний үнэн мөн олдоно. Энэ хэргийг эхлэхээс хойш учир нь олдоно хэмээн дуугүй явсан. Зохиол бичигдэж, гүтгүүлсэн. Үүнийг би улс төрийн захиалгатай гэж би хардаж байна. Хүсэх өөр нэг зүйл байна. УИХ-ын сонгууль болох гэж байна. Тиймээс бүхэн баталгаагүй мэдээллийг тааж бичээрэй" гэсэн юм.