Хаврын чуулган өнөөдөр нээлтээ хийнэ

О.Шүрэнцэцэг

2024/03/15

Улсын Их Хурлын 2024 оны хаврын ээлжит чуулган энэ сарын 15-нд буюу өнөөдөр нээлтээ хийнэ.

Монгол Улсын Их Хурлын тухай хуулийн 18 дугаар зүйлийн 18.1-д “Улсын Их Хурлын намрын ээлжит чуулган 10 дугаар сарын 01-ний өдрөөс, хаврын ээлжит чуулган 3 дугаар сарын 15-ны өдрөөс тус тус эхлэн 75-аас доошгүй ажлын өдөр чуулна” гэж, 18.2-д “…ээлжит чуулганыг нээх өдөр амралт, баяр ёслолын өдөртэй давхацвал дараагийн ажлын өдөр нээнэ” гэж тус тус заасан байдаг.

2024 оны хаврын ээлжит чуулганы нээлтэд Монгол Улсын Үндсэн хуулийн цэцийн гишүүд, Улсын дээд шүүх, Шүүхийн ерөнхий зөвлөл, Улсын Их Хурлаас удирдлага нь томилогддог байгууллагуудын дарга нар, Монгол Улсад суугаа гадаад улс орны Элчин сайдууд, Дипломат төлөөлөгчийн газар, олон улсын байгууллагын тэргүүнүүд оролцоно.

Улсын Их Хурлын 2024 оны хаврын ээлжит чуулганы нээлтийн дараа нэгдсэн хуралдаан үргэлжилнэ гэж Улсын Их Хурлын Хэвлэл мэдээлэл, олон нийттэй харилцах газраас мэдээлэв.

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

103.9.90.100

2024/03/15

ИРГЭД ЗӨВХӨН ЭТТ БИШ СТРАТЕГИЙН БҮХ ОРД ОЮУТЛОЛГОЙ ЭРДЭНЭТ ҮЙЛДВЭРЭЭС ХУВЬЦАА ЭЗЭМШИЖ ЖИЛ БҮР НОГДОЛ АШИГ ХҮРТЭХ ЭРХТЭЙ

Хариулах

103.9.90.100

2024/03/15

АХМАДУУД ОЮУТНУУД ХҮҮХДҮҮД ХӨГЖЛИЙН БЭРХШЭЭЛТЭЙ ИРГЭДЭД СТРАТЕГИЙН БҮХ ОРД ОЮУТОЛГОЙ ЭРДЭНЭТ ҮЙЛДВЭРЭЭЭС ЯАРАЛТАЙ ХУВЬЦАА ЭЗЭМШҮҮЛЖ ҮНДСЭН ХУУЛЬД ЗААСАН БАЙГАЛИЙН БАЯЛАГААС ТЭГШ ХУВЬ ХҮРТЭХ ЭРХИЙГ НЬ ЯАРАЛТАЙ ЭДЛҮҮЛЖ ӨГӨӨЧ

Хариулах

Шинэ мэдээ