Монголын үндэсний музейн ажилчид Ч.Номин сайдын томилгоог эсэргүүцэв

Өнгөрөгч оны арваннэгдүгээр сард Монголын үндэсний музейн захирлын үүргийг түр орлон гүйцэтгэгчээр доктор Д.Мөнхтогоог томилжээ. Гэвч Соёлын сайд Ч.Номин уг томилгоог өөрчилж, Соёлын өвийн үндэсний төвийн захирал Г.Энхбатыг Монголын үндэсний музейн захирлаар томилсон байна. 

Соёлын сайдын уг үйлдлийг тус музейн ажилчид эсэргүүцэж, өнөөдөр хэвлэлийн хурал зарлалаа. Тэд "Албан тушаалд томилох сонгон шалгаруулалт зарлалгүйгээр өөр байгууллагын захирлаар энэ албыг хавсран удирдуулах нь зохисгүй хэмээн үзэж байна. Мөн салбарын сайдын энэ шийдвэр нь байгууллага хоорондын албан харилцаа доголдох, хяналтын чиг үүрэг алдагдах, соёлын өвийн эсрэг хэрэг зөрчил гарах эрсдэл дагуулж болзошгүй" гэлээ.