БНСУ-д хөдөлмөрийн гэрээгээр ажиллах хүчний бүртгэл өнөөдрөөс эхэллээ

БНСУ-д  гэрээгээр ажиллах хүчний бүртгэл  өнөөдрөөс  эхэлж байна. Энэ жилийн хувьд Монгол улсаас 4261 иргэнийг гэрээгээр ажиллуулахаар Солонгос улсын хөдөлмөрийн бирж дээр байршуулах  юм.

 ХХҮЕГ-ЫН АЖИЛЛАХ ХҮЧНИЙ ШИЛЖИЛТ ХӨДӨЛГӨӨНИЙ ГАЗРЫН ДАРГА З.БУЯНБАДРАХ:  Өмнөх жилүүдэд Солонгос улс аж үйлдвэр , барилга , газар тариалангийн салбарт ажиллах хүчин авдаг байсан бол өнгөрсөн жилээс үйлчилгээний салбар нэмэгдсэн. Ингэснээр эмэгтэйчүүд илүү ажиллах боломж нээгдэж байгаа юм.  Өмнө нь шалгалтанд тэнцээд яваагүй  иргэдийн мэдээлэл  хөдөлмөрийн бирж дээр нэг жилийн хугацаанд хүчинтэй байдаг. Хүчинтэй хугацаа дууссан бол ахин бүртгүүлж , шалгалт өгнө.  Одоогоор 587 иргэн хөдөлмөрийн бирж дээр бүртгэлтэй байна.  Солонгос улсын тал шалгалтыг авч хариуг шалгадаг тул Солонгос хэл мэдэхгүй байж бүртгүүлчихээд, танил талаараа тэнцэнэ гэсэн ойлголт байхгүй.” гэлээ.

Гэрээгээр ажиллах хүсэлтэй иргэдийг Хөдөлмөр, халамжийн үйлчилгээний ерөнхий газар (ejob.gov.mn)  системээр бүртгэнэ.