ЗГ: Хаваржилт хүндэрсэнтэй холбогдуулан шаардлагатай зардал 21,5 тэрбум төгрөгийг шийдвэрлэлээ

Засгийн газрын ээлжит бус хуралдаанаар хаваржилт хүндэрсэнтэй холбогдуулан шаардлагатай зардал 21,5 тэрбум төгрөгийг шийдвэрлэлээ.

Засгийн газар жил бүр өвлийг өнтэй давж, хаврыг хохирол багатай давахад шат бүртээ анхаарч, бэлтгэл ажлыг базаадаг. Энэ жилийн тухайд уур амьсгалын өөрчлөлт, гэнэтийн гамшигт болон аюулт үзэгдэл ихэссэнтэй холбоотойгоор энгийн үеэс хэд дахин өндөр бэлэн байдал, бэлтгэл шаардаж байна.

Энэ долоо хоногт Засгийн газрын хуралдаанаар хаваржилт хүндэрч байгаа учраас хохирол багатай даван туулах бүх ажлыг чиглүүлж Өндөржүүлсэн бэлэн байдал зарласан. Улмаар УОК өчигдөр хуралдаад хаваржилтыг хохирол багатай давахад шаардагдах ажлуудыг эрэмбэлээд шаардагдах төсвийг Засгийн газарт танилцуулахаар болсон. Дөнгөж сая Засгийн газрын ээлжит бус хуралдаан дуусаж Шадар сайд болон албаныхан мэдээлэл хийлээ.

Хурлаар:

- 34 мянган км зам харгуйн цасыг цэвэрлэх автомашин, шатахуун

- Аймаг сумдын түргэний машинаар хангах

- Шар усны үер болох эрсдэл тооцоолж, халиа дошин үүссэн 44 байршилд шаардлагатай тохиолдолд жижиг хэмжээний тэсэлгээ хийх, өвс тэжээлийн нөөц бүрдүүлэлт зохион байгуулалтыг түргэвчлэх болон зардлыг шийдэв.

Хүндрэлтэй аймгуудад Засгийн газрын сайд нар хуваагдаж газар дээр нь очиж ажиллахаар болжээ.