О.Тэмүүжин: Аавынхаа нэрийг дуудуулах мөч хамгийн сайхан байлаа

Сар шинийн баярыг тохиолдуулан Монгол Улсын Ерөнхийлөгч У.Хүрэлсүх төрийн дээд цол, одон, медаль гардууллаа. Энэ үеэр Монгол Улсын Соёлын тэргүүний ажилтан жүжигчин О.Тэмүүжинг Алтангадас одонгоор шагналаа. 

Тэрбээр баярын сэтгэгдлээ ийн хуваалцлаа. "Шагнал авах тухайгаа хоёр хоногийн өмнө мэдсэн, маш баярласан. Төрийн тэргүүнээсээ аавынхаа нэрийг дуудуулж шагнал хүртсэндээ маш их баяртай байна. Үе үеийн бүх багш нар, уран бүтээлч ах, эгч нартаа баярлалаа. Мөн хайртай ханьдаа баярлалаа" гэлээ.