Улстөрчид юу хэлэв: Н.Өнөрцэцэгээр дамжуулан хэвлэлийнхний зоригийг мохоож байна

Сэтгүүлч Н.Өнөрцэцэг цагдан хоригдоод 63 хонож байна. Түүнийг хорьж шалгаж байгаа асуудлаар улстөрчид ямар байр суурь илэрхийлснийг нэгтгэн хүргэж байна.

•   Э.Бат-Үүл: Сэтгүүлч Өнөрөөг хууль бусаар яллуулахаас хамгаалан нэгдэн тэмцээ, нэг сэтгүүлчийг “алж” мянган сэтгүүлчийн зүрхийг үхүүлдэг нь улстөрчдийн шалгарсан арга шүү

•  Н.Алтанхуяг: "Н.Өнөрцэцэгийг гаргаач. Хүн нь байвал хэрэг нь олдоно гэдэг. Ямар ч байхгүй юмыг байлгасан мэт болгодог. Би өөрөө 5-6 жил шалгагдаж байсан. Ямар ч хэргийг тохдог. Үүнийгээ боль. Би ийм нийгмийн төлөө яваагүй"
•  Л.Гантөмөр: Н.Өнөрцэцэгийг хамгаалаарай, та бүхэн сэтгүүлчдээс хэзээ ч өс нэхэж болохгүй
•  Х.Тэмүүжин: Н.Өнөрцэцэгийг хорьсон асуудал нь яг социализмын үеийн “хүн нь байвал хэрэг нь олдоно” гэдэг шиг аргаар хандаж байна уу даа гэж харж байгаа. Сэтгүүлчид маань ч гэсэн сүүлдээ айдастай боллоо
•  Н.Ганибал: Сэтгүүлч Н.Өнөрцэцэгээр дамжуулан хэвлэлийнхний зоригийг мохоож байгаа, "Хүн нь олдвол хэрэг нь олдоно" гэх хэлмэгдүүлэлтийн аргаар асуудалд хандаж байна
•  Д.Цогтбаатар: Ямар ч шалдар булдар гомдлоор сэтгүүлчийн үгээ хэлэх эрхийг хөндөх ёсгүй, сэтгүүлчид үг, үзэл бодлоо хэлсээр бай. Бүү ай
•  С.Ганбаатар: Эрх баригчид Н.Өнөрцэцэг сэтгүүлчийг ажлаа хийснийх нь төлөө хууль хяналтын байгууллагаар далайлгаж, айлгаж ичээх асуудал гарсан байна. Энэ асуудлыг УИХ-аар хэлэлцэх шаардлагатай байна
•  Б.Пүрэвдорж: Сэтгүүлчид үг хэлэх эрхийнхээ төлөө нэгдэж дуугарахгүй бол нэг нэгээр нь намнах зам руу алсуураа орох вий
• О.Цогтгэрэл:Төрийн дарангуйллын замаар редакцын үйл ажиллагаанд халдсан нь олон улсад сайн дохио өгөхгүй шүү
•  Ч.Өнөрбаяр: Заавал цагдан хорьж шалгадаг буруу арга барилаас салах хэрэгтэй
•  С.Мөнхчулуун: Гэм буруутай эсэхийг нь тогтоовол тогтоох хугацаа болчихлоо шүү дээ. Буруутай бол буруутай гэж торгож, шийтгээд, буруугүй бол буруугүй гээд
• явуулмаар юм
•  Б.Жаргалмаа: Сэтгүүлчийн үгээ хэлэх эрхийг хэн ч хязгаарлах ёсгүй, сэтгүүлчид хүчтэй дуугарах цаг нь болжээ
•  М.Оюунчимэг: Сэтгүүлчийн хардах эрхийг хуулиар хязгаарлах нь буруу