Эрдэнэс Тавантолгой ХК: 104,000 төгрөгийг иргэдийн дансанд шилжүүлж эхэлсэн

Ц.Цэрэнбадам

2024/02/01

Засгийн газрын /2024.01.31/хуралдаанаар 2012 оны дөрөвдүгээр сарын 11-нээс хойш төрсөн иргэдэд 1,072 хувьцаа эзэмшүүлэх шийдвэрийг гаргаад буй. Ингэснээр “Эрдэнэс Тавантолгой” ХК-ийн 73% орчим хувийг "Эрдэнэс Монгол" нэгдэл, 26.94% орчим хувийг Монгол Улсын 3.4 сая иргэн, 0.06%-ийг үндэсний 487 аж ахуйн нэгж эзэмшихээр болсон байна.

"Эрдэнэс Тавантолгой" ХК 2022 онд 1.3 их наяд төгрөгийн цэвэр ашигтай ажиллажээ. Үүнээс 351 тэрбум орчим төгрөгийг иргэдэд ногдол ашиг болгон хуваарилж, нэг хувьцааг 108.7 төгрөгөөр тооцон 104,000 төгрөгийг иргэдийн дансанд шилжүүлж эхэлсэн болохыг тус компаниас мэдээлэв.

Тэтгэврийн, халамжийн, НӨАТ-ын буцаан олголтын, хүүхдийн мөнгө авдаг зэрэг төрд байгаа мэдээллийг ашиглан тухайн иргэний дансанд ногдол ашгийн мөнгийг шилжүүлж байгаа аж.

2012 оны дөрөвдүгээр сарын 11-нээс хойш төрсөн 893,000 орчим хувьцаа эзэмшигчдэд хүүхдийн мөнгөний дансаар шилжүүлж эхэлжээ.

Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

103.143.41.2

2024/02/01

ямар хүмүүс нь 73,0 төг ороод ямар нь 114000к ороод бнаа

Хариулах

202.179.21.212

2024/02/01

Цэрэнбадам ЭТТ орж асууж дэлгэрэнгүй тооцоог нийтэлбэл зүгээр байна. Ажил хийвэл дуустал давс хийвэл уустал гэдэг дээ. Дутуу юм хийчихээд ажлаа хийчихсэн мэт дүр эсгэцгээдэг хүмүүс хэцүү байна !

Хариулах

202.179.21.212

2024/02/01

Тооцооны задаргааг нарийн авмаар байна. 108 төгрөгөөс хэдэн хувийн татвар авч 104 000 болоод байгааг. Ийм тооцоогүй шууд хүнд шахна гэж байхгүй. Энэ хэдэн өдөр олон мэдээлэл гарахад хэн нь ч ганц ч тооцоо харуулахгүй байна. Зүгээр татвар суутгаад гээд өнгөрч болохгүй. 5%-н татвар авч хэд болсон дэлгэрэнгүй тооцоо хэрэгтэй байна. Яг яаж 104 000 гарч байгааг олох хэрэгтэй байна.

Хариулах

202.179.21.212

2024/02/01

Ямар данс ?

Хариулах