60 айлын орон сууцны оршин суугчид тавилгаа зөөж байна

2024 оны нэгдүгээр сарын 23-24-нд шилжих шөнө, нийслэлийн Баянзүрх дүүргийн 26 дугаар хорооны нутаг дэвсгэрт зам тээврийн осол гарч, нөхөж баршгүй хохирол учраад буй.

“Дүнжингарав” худалдааны төвийн урд хэсэгт байрлах “Эду апартмент” нэг орцтой, 12 давхар, 63 өрхийн орон сууцны барилгын гадна хэсэг болон зарим айлын эд, хогшил, үйлчилгээний төв, уулзварын баруун талд байрлах “Санни таун” 830 дугаар байрны нэг давхрын үйлчилгээний төв галд өртсөн.

Гал түймэрт өртсөн орон сууцны 198 оршин суугч өнөөдөр /2023.01.26/ тавилгаа зөөж байна. 

Тус байрны иргэдийг “Купер плаза интернэшнл” зочид буудалд нүүлгэн шилжүүлж, хоол хүнсээр хангаж, сэтгэлзүйч зөвлөгөө өгч байгаа юм. 

 Галд шатсан орон сууцанд оршин суудаг 63 айлын 198 иргэдийг хэвийн амьдралын горимд шилжүүлэхтэй холбоотой гарах зардал буюу орон сууцыг засварлахтай холбоотой зардлыг Засгийн газрын нөөц хөрөнгөнөөс шийдвэрлэх бол засвар, тохижилтын асуудлыг НЗДТГ хариуцахаар шийдвэрлэсэн. 

Харин орон сууцыг засварлах хугацаанд тухайн байрны айл өрхүүдийг түрээсийн байранд амьдруулах бөгөөд түрээсийн зардлыг Засгийн газрын нөөц хөрөнгөөс гаргах юм.