ЕБС-ийн сурагчдын хичээл Даваа гарагт эхэлнэ

Сурагчдын хоёрдугаар улирлын амралт өнөөдрөөр дуусгавар болж, ирэх Даваа гаригт гуравдугаар улирлын хичээл эхэлнэ. 

Хичээл эхлэх гэж буйтай холбогдуулан Боловсролын ерөнхий газраас/БЕГ/ сургуулийн удирдлагуудад сургууль орчмын аюулгүй байдалд анхаарахыг зөвлөжээ. 

• Сургууль орчмын цас мөсийг цэвэрлэж, халтиргаагүй болгох
• Хүүхэд халтирах, мөргөх аливаа зүйлсийг илрүүлж, зөөлөвч хамгаалалт хийх
• Биеийн тамирын заал, тоглоомын талбайд үзлэг хийж, аюулгүй нөхцөлийг бүрдүүлэх
• Ил задгай цахилгааны утас байгаа эсэхийг шалгаж, хүүхэд хүрэх эрсдэлгүй болгох
• Ухсан нүх, шуудуу, траншейн болон замын эвдрэлийг таглаж битүүлэх
• Замын нөхцөл байдал, замын тэмдэг тэмдэглэгээг шалгах, засварлах
• "School police" хэвийн ажиллах нөхцөлийг бүрдүүлэх

Гуравдугаар улиралд: Есөн долоо хоног хичээллэн бүх ангийнхан нэг долоо хоног амарна.

Дөрөвдүгээр улиралд: Бага ангийн сурагчид найман долоо хоног, дунд ангийнхан есөн долоо хоног, ахлах ангийнхан 10 долоо хоног хичээллэхээр байна.