УИХ ээлжит бусаар хуралдана

УИХ-ын намрын ээлжит чуулган завсарласан. Тэгвэл ээлжит бус чуулганыг зарлаж, Үндэсний баялгийн сангийн тухай хуулийн төслийг хэлэлцэхээр төлөвлөжээ. Ингэснээр "Эрдэнэс Тавантолгой" хувьцаат компанийн хувьцаа эзэмшигчдэд ногдол ашиг тараах асуудал ч тодорхой болох юм. 

 УИХ-ын чуулганыг ээлжит бусыг чуулганыг цагаан сарын өмнөхөн буюу хоёрдугаар сарын 5-нд хуралдуулдах товтой байна. 

Үндэсний баялгийн сангийн тухай хуулийн төслийг Үндсэн хуулийн нэмэлт, өөрчлөлт болон Монгол Улсын урт, дунд хугацааны хөгжлийн бодлогын баримт бичигт нийцүүлэн боловсруулсан. Тус хууль батлагдвал эдийн засгийн хүртээмжтэй өсөлтийг хангах, ард түмэнд үр өгөөжийг тэгш, шударга хүртээх, хараат бус, бие даасан, ил тод, нээлттэй, хариуцлагатай байх зарчмууд хангагдах юм.