Цагаан сараас өмнө НӨАТ-ын буцаан олголт иргэдийн дансанд орно

Л.Бямбажав

2024/01/19

Нэмэгдсэн өртгийн албан татвар (НӨАТ)-ын хоёр хувийн буцаан олголтыг иргэдэд 2020 оноос улирал бүрээр олгож эхэлсэн. Тэгвэл Татварын Ерөнхий газрын мэдээллээр 2023 оны дөрөвдүгээр улирлын буцаан олголт энэ сардаа багтаж иргэдийн дансанд орох юм байна.

НӨАТ-ын нэгдүгээр улирлын буцаан олголтыг дөрөвдүгээр сард, хоёрдугаар улирлын буцаан олголтыг долдугаар сард, гуравдугаар улирлын буцаан олголтыг аравдугаар сард, дөрөвдүгээр улирлын буцаан олголтыг дараа оных нь нэгдүгээр сард олгодог журамтай.

Түүнчлэн иргэд 2023 оны IV улирлын НӨАТ-ын буцаан олголтын мөнгөөр долоон төрлийн татвараа төлөх хүсэлтийг ebarimt системээр авч эхэллээ. Энэ сарын 23-ныг хүртэл хүсэлтээ илгээх бөгөөд НӨАТ-ын буцаан олголтын мөнгөөрөө дараах татваруудыг төлөх боломжтой.

Авто тээврийн хэрэгслийн албан татвар
Галт зэвсгийн албан татвар
Үл хөдлөх эд хөрөнгийн албан татвар
Газрын төлбөр /газар эзэмшигч/
Газрын үл хөдлөх эд хөрөнгийн албан татвар /газар өмчлөгч/
Малын тоо, толгойн албан татвар
Авто зам, замын байгууламж ашигласны төлбөр

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

103.212.117.250

2024/01/25

20 гэхэд иргэдийн дансанд орох хуультай биз дэ

Хариулах

203.98.76.249

2024/01/19

хулгайч нараасаа мөнгийг нь хурааж чадахгүй байж хэн нэгнээс мөнгийг нь хулгайлж суйлахдаа гаргуун юм аа.

Хариулах

Шинэ мэдээ